The Pantry & Chips Republic

Open Now

Now Closed

今日去旺角MOKO購物，買完嘢行到好攰，想搵間坐得舒適嘅餐廳，食完晚飯先返屋企，於是嚟到呢間餐廳，見到門口餐牌嘅相片已經好吸引，有小食、又甜品，好適合女士或者拍拖嘅情侶打卡影相。一坐低叫咗一份小食「酒煮藍貝」，藍貝好香嫩，配合白汁好惹味。接着係「鮮蝦芝士薯條」及「煙肉漢堡扒漢堡」，薯條加咗調味粉，唔需要點醬汁都好好味，薯條上面有幾隻鮮蝦，好大隻，爽口彈牙，配合調味粉同埋芝士醬，非常推介，好好味。漢堡包入面漢堡扒，非常鬆軟，有牛肉嘅香味，配合鬆脆嘅麵包，同埋看到脆卜卜嘅煙肉，超級好味。跟住係「肉醬千層麵」，醬汁好特別紅紅白白的，好Juicy，千層麵好香滑。飲品揀咗「百利甜酒咖啡奶昔」，再加西班牙油條，西班牙油條好香脆，充滿玉桂味。奶昔奶味好香濃，配合輕輕嘅咖啡味，協調得好好。甜品揀咗「糖漿原味疏乎厘pancake」，pancake唔會太甜，甜度剛剛好，入口好軟滑。