Video
Read full review
2023-06-18
88 views
今日父親節夜晚就梗係同父親食個飯慶祝吓啦，我哋喺尖沙咀shopping 完後就發現呢一間好modern嘅Cafe就決定一試一入到去員工嘅服務態度已經好好，跟住裝潢上都好時髦，環境都好舒適，好適合傾偈談心，Menu其實都幾豐富，除咗Coffee之外，仲有好多有主菜，意粉，甜品我哋嗌咗個沙律青醬雞肉忌廉長通粉，蟹肉忌廉茴香意粉，個青醬配長通粉非常之夾，啲雞肉咬落非常軟一啲都柴，至於個蟹肉意粉就蟹肉非常之多 加埋個忌廉醬食落好creamy之後仲食咗個主打健康路線嘅牛油果青瓜蕃茄沙律伴芝士配檸檬醋醬，牛油果好多塊好creamy，加埋檸檬醬嗰個清香，成個沙律食落都好Fresh 野飲方面就叫左一杯凍Americano,一杯熱既cappuccino 同Latte 呢度嘅咖啡出品特別出色，咖啡豆特別香濃，特別係Cappucino嘅泡沫特別細滑，可以感受到咖啡同埋上邊嘅泡沫嘅一體感，然後拉花都非常工整同靚特別吸睛甜品就食咗個法式西多，嘩！一咬落去外脆內軟，仲有好香嘅焦糖向喺外皮，如果唔想食得太甜，可以加返啲cream去中和返個甜度 一碟有四大塊真係好滿足 整體嚟講呢間Cafe嘅員工服務質素幾好，食物質素
今日父親節夜晚就梗係同父親食個飯慶祝吓啦，我哋喺尖沙咀shopping 完後就發現呢一間好modern嘅Cafe就決定一試
一入到去員工嘅服務態度已經好好，跟住裝潢上都好時髦，環境都好舒適，好適合傾偈談心，Menu其實都幾豐富，除咗Coffee之外，仲有好多有主菜，意粉，甜品
我哋嗌咗個沙律青醬雞肉忌廉長通粉，蟹肉忌廉茴香意粉，個青醬配長通粉非常之夾，啲雞肉咬落非常軟一啲都柴，至於個蟹肉意粉就蟹肉非常之多 加埋個忌廉醬食落好creamy
之後仲食咗個主打健康路線嘅牛油果青瓜蕃茄沙律伴芝士配檸檬醋醬，牛油果好多塊好creamy，加埋檸檬醬嗰個清香，成個沙律食落都好Fresh
野飲方面就叫左一杯凍Americano,一杯熱既cappuccino 同Latte 呢度嘅咖啡出品特別出色，咖啡豆特別香濃，特別係Cappucino嘅泡沫特別細滑，可以感受到咖啡同埋上邊嘅泡沫嘅一體感，然後拉花都非常工整同靚特別吸睛
甜品就食咗個法式西多，嘩！一咬落去外脆內軟，仲有好香嘅焦糖向喺外皮，如果唔想食得太甜，可以加返啲cream去中和返個甜度 一碟有四大塊真係好滿足
整體嚟講呢間Cafe嘅員工服務質素幾好，食物質素都唔差 ，CP值幾高 ，值得再encore
Post
