Video
Read full review
2023-04-18
91 views
餐廳：船渦地點：銅鑼灣謝斐道菜式：以海鮮為主既一人蒸氣餐廳餐牌：餐牌有單點同套餐選擇。單點餐牌有海鮮，肉類，點心類，丸類，蔬菜類，刺身，炸物，飲品。套餐改左好搞笑既中國古代官員名。今晚叫左個八府巡按套餐，$388加一，包以下食物：三點刺身有帆立貝一片，北寄貝一片同甘蝦一隻，份量輕盈，質素都唔錯，幾鮮甜，特別係隻蝦。伴有少少椰菜絲沙律，同一包獨立包裝日式芥末。炸物有芝麻雞翼同雞軟骨餃子各一。芝麻雞翼超好味，炸得皮脆肉嫰，帶微微芝麻味，好香口。雞軟骨餃子大大隻，皮係厚，不過炸得好脆。墊有生菜絲解膩。八府巡按套餐海鮮船好香海水味！白蜆8隻，雖然細細隻，不過好嫩口帶天然鹹香。串蝦3隻，蝦頭有汁，肉就好鮮甜。鮮魚片兩片，連皮唔薄唔厚，鮮甜。連殼鮑魚一隻，肉質彈牙，好鮮味 龍蝦半隻，蝦頭有膏，肉質彈牙又鮮甜 元貝一大隻，好多汁，汁都鮮甜過人，連黃色圍邊都好嫩。時令海鮮係北寄貝一隻原隻，大大隻，肉質勁清甜，好味！蟶子皇一隻：肉質有咬口，味道鮮甜肉類三選二，我無選雞髀肉。安格斯牛肉同豚肉片各三塊，捲得靚靚。安格斯牛肉多汁牛味濃。三寶丸包括招牌墨魚丸，薑汁皮蛋貢丸，同牛骨濃汁牛丸。招牌墨魚丸真係有粒粒墨
地點：銅鑼灣謝斐道
菜式：以海鮮為主既一人蒸氣餐廳
餐牌：餐牌有單點同套餐選擇。單點餐牌有海鮮，肉類，點心類，丸類，蔬菜類，刺身，炸物，飲品。套餐改左好搞笑既中國古代官員名。
今晚叫左個八府巡按套餐，$388加一，包以下食物：
三點刺身
26 views
0 likes
0 comments
三點刺身有帆立貝一片，北寄貝一片同甘蝦一隻，份量輕盈，質素都唔錯，幾鮮甜，特別係隻蝦。伴有少少椰菜絲沙律，同一包獨立包裝日式芥末。
炸物有芝麻雞翼同雞軟骨餃子各一。芝麻雞翼超好味，炸得皮脆肉嫰，帶微微芝麻味，好香口。雞軟骨餃子大大隻，皮係厚，不過炸得好脆。墊有生菜絲解膩。
八府巡按套餐海鮮船
8 views
0 likes
0 comments
八府巡按套餐海鮮船好香海水味！
白蜆
16 views
0 likes
0 comments
白蜆8隻，雖然細細隻，不過好嫩口帶天然鹹香。
串蝦3隻，蝦頭有汁，肉就好鮮甜。
鮮魚片兩片，連皮唔薄唔厚，鮮甜。
連殼鮑魚一隻，肉質彈牙，好鮮味
龍蝦半隻，蝦頭有膏，肉質彈牙又鮮甜
元貝一大隻，好多汁，汁都鮮甜過人，連黃色圍邊都好嫩。
北寄貝
14 views
0 likes
0 comments
時令海鮮係北寄貝一隻原隻，大大隻，肉質勁清甜，好味！
蟶子皇一隻：肉質有咬口，味道鮮甜
肉類三選二，我無選雞髀肉。
安格斯牛肉同豚肉片各三塊，捲得靚靚。安格斯牛肉多汁牛味濃。
三寶丸包括招牌墨魚丸，薑汁皮蛋貢丸，同牛骨濃汁牛丸。招牌墨魚丸真係有粒粒墨魚粒，薑汁皮蛋貢丸多汁而帶淡淡薑汁味，牛骨濃汁牛丸就好濃牛味，三粒丸質感都唔錯。
時蔬拼盤有生菜，娃娃菜，金菇，南瓜，粟米，冬菇，翠玉瓜。
套餐可配粥底或麵底。我地揀咗粥，唔洗加錢。食完就請服務員幫手加粥底。足有三碗份量，飯粒粒粒分明，我地自己加左好多芫荽同蔥花，好香，本身味道都夠鹹。
最後唔記得問服務員拎甜品。
再單點多兩款鍾意既海鮮。
龍蝦（半隻）$108 另加一
龍蝦半隻
$108
16 views
0 likes
0 comments
蟶子皇（每隻）$48 另加一
蟶子皇
$48
19 views
0 likes
0 comments
調味料同熱水自助，調味料有芫荽，蔥花，炸蒜，辣椒，胡麻醬等。枱面有豉油比你。
新鮮清蒸食原汁原味海鮮絕對係最佳食法。自己製作亦唔難，枱面有提示蒸煮時間。今晚係平日晚市時間都幾多食客。
Post
