Video
Read full review
2025-01-21
0 views
最近已經成日打邊爐，今次就轉一轉改去食蒸氣火鍋😝餐廳私隱度好高，有得落簾去隔開陌生人，一大班人同一個人都可以食得開開心心！食得蒸氣火鍋主要都係食海鮮🦞 每張枱都貼上label清楚列明每種海鮮要蒸幾耐，非常細心🥳🥳🌟九品芝麻套餐 $258套餐有前菜沙律同炸物章魚燒（2粒）；蒸海鮮方面有白蜆、蝦、鮮魚片、大蜆、扁蟶子、鮑魚；蒸肉類方面美國肥牛、雞腿肉、三寶丸；其他方面有時蔬拼盤同加$8叫咗魚湯拉麵❤️-⭐沙律係青瓜蟹柳蟹籽沙律，清新可口，口感爽脆-⭐炸物章魚燒兩粒，外脆內軟，撈埋個醬就係平時食開嘅經典口味🌟輪到主角海鮮😚白蜆、蝦、鮮魚片、大蜆、扁蟶子、鮑魚都非常新鮮，Keep到海鮮嘅原汁原味。推介鮮魚片同蜆類，鮮魚片肉質又厚又滑嫩😳蜆蒸嘅時間啱啱好，隻隻飽滿鮮味十足😝🌟蒸肉類方面揀咗美國肥牛、雞腿肉、三寶丸；推介雞腿肉👍有雞味唔會過老，幾好👍三寶丸入面有個係薑汁皮蛋丸好特別😂薑味好濃🌟時蔬拼盤有生菜、娃娃菜、金菇、冬菇、南瓜、粟米、翠肉瓜，每樣有啲，種類好多，有誠意😳-⭐主食係魚湯拉麵，呢個係另加$8叫嘅，主食係食曬所有食物之後，店員會幫手煮個魚湯，湯底清清地帶魚香，拉麵滑嘟嘟冇梘水味，唔錯
最近已經成日打邊爐，今次就轉一轉改去食蒸氣火鍋😝餐廳私隱度好高，有得落簾去隔開陌生人，一大班人同一個人都可以食得開開心心！食得蒸氣火鍋主要都係食海鮮🦞 每張枱都貼上label清楚列明每種海鮮要蒸幾耐，非常細心🥳🥳
🌟九品芝麻套餐 $258
套餐有前菜沙律同炸物章魚燒（2粒）；蒸海鮮方面有白蜆、蝦、鮮魚片、大蜆、扁蟶子、鮑魚；蒸肉類方面美國肥牛、雞腿肉、三寶丸；其他方面有時蔬拼盤同加$8叫咗魚湯拉麵❤️
-
⭐沙律係青瓜蟹柳蟹籽沙律，清新可口，口感爽脆
-
⭐炸物章魚燒兩粒，外脆內軟，撈埋個醬就係平時食開嘅經典口味
🌟輪到主角海鮮😚白蜆、蝦、鮮魚片、大蜆、扁蟶子、鮑魚都非常新鮮，Keep到海鮮嘅原汁原味。推介鮮魚片同蜆類，鮮魚片肉質又厚又滑嫩😳蜆蒸嘅時間啱啱好，隻隻飽滿鮮味十足😝
🌟蒸肉類方面揀咗美國肥牛、雞腿肉、三寶丸；推介雞腿肉👍有雞味唔會過老，幾好👍三寶丸入面有個係薑汁皮蛋丸好特別😂薑味好濃
🌟時蔬拼盤有生菜、娃娃菜、金菇、冬菇、南瓜、粟米、翠肉瓜，每樣有啲，種類好多，有誠意😳
-
⭐主食係魚湯拉麵，呢個係另加$8叫嘅，主食係食曬所有食物之後，店員會幫手煮個魚湯，湯底清清地帶魚香，拉麵滑嘟嘟冇梘水味，唔錯👍
-
🌟八府巡按套餐 $488
套餐有前菜沙律同炸物芝麻雞翼，雞軟骨餃子（各一）；蒸海鮮方面有白蜆、蝦、北寄貝、鮑魚、元貝、扁蟶子、鮮魚片、龍蝦（半隻）、蟶子皇（1隻）；蒸肉類方面有安格斯牛肉、豚肉片、三寶丸；其他方面有時蔬拼盤和南瓜芋頭粥
⭐炸物係芝麻雞翼，雞軟骨餃子，係平時放題食到嗰種，冇伏，好香口，唔錯👍
🌟蒸海鮮方面，呢個套餐更加豪華，有北寄貝、龍蝦、蟶子皇等😍龍蝦半隻肉質肥美爽彈，重點係好多膏😝蟶子皇同北寄貝都係大大隻超鮮甜😳非常滿足！
🌟蒸肉類方面揀咗安格斯牛肉、豚肉片同三寶丸👍推介牛肉，因為係比上一個套餐更高級更好食，雪花分佈靚啲，牛味濃啲😍
⭐南瓜芋頭粥同樣係食曬所有食物之後，由店員幫手煮，同埋會問你食稀啲定稠啲，煮完出嚟都有兩碗，份量好多，要男朋友幫手食🤣❤️
-
至於沙律同時蔬拼盤味道係同上一個套餐一樣嘅👍
-
整體而言，一開始以為食海鮮同少少肉會唔飽，但食到中途都有7成飽，食埋個主食就夠啦😝同埋店員夠多，人手充足，收碟嗰啲都好快手🙌🏽個人覺得如果唔係特別好海鮮嘅話，平啲嗰個餐已經夠食😗
*此乃自費食評
Post
