Video
Read full review
2024-11-16
1309 views
一講起山東燒雞就令人諗起老京菜，估唔到係船記嘅舊舖開左間新店日月樓，睇名以為係普通中菜，原來班底就係來自美利堅京菜，松竹樓同新洪長興飯店幾間有名嘅京菜，呢次食完日月樓就成為一間幾喜歡嘅餐廳，旨在復刻八十年代的飲食情懷，經典詮釋那時代的舊味道。當日四個人都食到幾種唔同嘅野，朋友話佢哋嘅红扒通天係勁出色，就算下午都值得留一份同大家食下，湯底夠濃，通天翅的份量又夠多，周末下午咁樣食法又點會唔滿足。坊間不多地方提供的鹽爆管廷，以豬的罕見部位豬氣管為焦點，你看到個粗度一致的幼條就知刀功幾勁，洗淨後的管廷先經汆燙兩小時去除味道，絕對吃到手工菜最講嘅技巧。平日唔特別好羊肉嘅我都完全唔抗拒大蔥羊肉餡餅，原因個餡餅外層做得好好，入邊嘅羊肉亦都非常之Juicy，後入去有一堆肉汁噴射出嚟，同出名京菜嘅地方，甚至之前喺內蒙食過嘅都有得較高下。為左山東燒雞而來，我想起嘅係鹿鳴春的美好回憶，呢個雞點埋佢個醬汁更正。北京填鴨當然不能不點，即切即食，醬香細膩的自家調配磨豉醬及砂糖，加人手工製非常透薄餅皮，就咁食同加薄餅皮，再加埋京蔥及青瓜條食，我建議每個食法都值得試一次。蝦子鍋塌豆腐就夠清新得來又好食，另外干炒牛肉絲
一講起山東燒雞就令人諗起老京菜，估唔到係船記嘅舊舖開左間新店日月樓，睇名以為係普通中菜，原來班底就係來自美利堅京菜，松竹樓同新洪長興飯店幾間有名嘅京菜，呢次食完日月樓就成為一間幾喜歡嘅餐廳，旨在復刻八十年代的飲食情懷，經典詮釋那時代的舊味道。
當日四個人都食到幾種唔同嘅野，朋友話佢哋嘅红扒通天係勁出色，就算下午都值得留一份同大家食下，湯底夠濃，通天翅的份量又夠多，周末下午咁樣食法又點會唔滿足。
坊間不多地方提供的鹽爆管廷，以豬的罕見部位豬氣管為焦點，你看到個粗度一致的幼條就知刀功幾勁，洗淨後的管廷先經汆燙兩小時去除味道，絕對吃到手工菜最講嘅技巧。
平日唔特別好羊肉嘅我都完全唔抗拒大蔥羊肉餡餅，原因個餡餅外層做得好好，入邊嘅羊肉亦都非常之Juicy，後入去有一堆肉汁噴射出嚟，同出名京菜嘅地方，甚至之前喺內蒙食過嘅都有得較高下。
為左山東燒雞而來，我想起嘅係鹿鳴春的美好回憶，呢個雞點埋佢個醬汁更正。
北京填鴨當然不能不點，即切即食，醬香細膩的自家調配磨豉醬及砂糖，加人手工製非常透薄餅皮，就咁食同加薄餅皮，再加埋京蔥及青瓜條食，我建議每個食法都值得試一次。
蝦子鍋塌豆腐就夠清新得來又好食，另外干炒牛肉絲加上叉子燒餅都係較特別令人有驚喜的京菜，不過干炒牛肉絲送飯應該更不錯。
尾聲的拔絲香蕉同高力豆沙香蕉朋友都話好推薦，個人喜歡前者，做得好靚而味道都好有水準，愛呢類京點嘅絕對值得來一試。
日月樓 (灣仔)
灣仔船街1-7號寶業大廈地下1號舖及1樓
Post
