忠記粥品 (機利文新街)

Open Now

Now Closed

老實講，一到食飯時間，中環人就好似打仗咁，一係就早早訂位，如果唔係都係要買外賣/堂食，做到分秒比爭!食到濟濟地，想食粥清清腸胃，係朋友介紹下就入左黎呢間忠記粥品!食飯時間，座無虛席，不過好好彩，人流去得好快!過左一陣就有位了!叫左個牛脷酥，雖然係香脆油器，脆係好脆不過一點都不油，佢呢間真係做到油器唔油!一碟唔夠叫埋個油炸鬼，食落有d 健康，口感鬆脆有韌勁，又係唔太油，加分!另外有同事食左豬潤腸粉，都好滑漏既皮，食得出豬潤都足料同新鮮!主角及第粥，等左大約10分鐘到，好野真係要等既，好足料呀! 中環仲有d 平民價又高質既粥店簡直就係良心小店