盛寅慢煮製麵 (Closed)

-🔸葱油雞湯麵 $49🔸香辣牛頰肉拌麵 $63🔸日式醬煮牛筋 $33🔸綠茶 +$10-經過牛頭角地鐵站附近，見到巷仔斜坡開咗間新嘅良心小店，聽店員介紹佢哋係同日本人合作嘅，相信應該幾正，就同男朋友試一試。坐低掃QR code落單，揀咗湯麵同拌麵各一。湯麵有兩款每日新鮮製造嘅湯底，我揀咗洋蔥大蒜雞白湯，飲落係非常鮮甜香濃嘅雞湯底，雞件都好嫩滑。麵條亦可以揀菠菜麵或烏冬，仲可以加底𠻹！牛頰肉拌麵就可以揀油蕎麥麵或蒟蒻麵，都係健康之選，另外跟一碗湯。牛頰肉份量非常多，仲多過個麵底勁足料，而且超軟稔。另加一份牛筋小食，原來所有肉類都係慢煮嘅，難怪全部都咁嫩滑又入味～