良鮨壽司

Open Now

Now Closed

大埔有好多良心小店💛今個禮拜我特別想食日本菜，放工返到屋企附近啱啱好過咗晚飯時間，巴士站見到良鮨唔使排隊，真心想試！胡麻豆腐沙律天氣熱辣辣，坐低食一個開胃前菜先，估唔到沙律咁大碟，分量好滿足。胡麻醬汁好慷慨，豆腐清新，沙律🥗菜蕃茄仔清甜新鮮。壽司QR code 自助落單，彩色圖片見到種類多，價錢抵！仲好好彩可以坐吧枱，見到師傅整壽司。食咗我最想試嘅鰻魚壽司，超濃郁鰻魚汁特別好味。蟹膏蟹肉軍艦，蟹膏味道濃郁，有日本東京食的味道，蟹肉鮮甜。軍艦紫菜夠脆口。蟹子軍艦，滿滿的蟹子，鹹香爆爽脆的口感。三色魚生丼魚生新鮮好味，擺盤靚，色彩繽紛，滿滿的幸福感覺。肥美厚切的三文魚、入口即化鮮甜的帶子、手掌咁大的赤蝦，滋味無窮！三色魚生丼的壽司飯，酸酸甜甜好開胃。環境乾淨衛生，感覺舒服，下次再嚟幫襯。