Video
Read full review
2017-01-20
2235 views
油麻地算係我既地頭之一 成日去油麻地都會見到好多本地人或者遊客去幫襯街頭小食 我自己都好中意食下魚蛋、雞排同煎釀三寶～ 琴日同朋友經過油麻地 心血來潮想食小食 於是就周圍行下周圍都人頭湧湧 而呢間叫Candy Shake 既鋪頭好似特別多人 店鋪個招牌都好靚 店內仲有宣傳影片 專門推介值得一試既小食😋門外仲有幾張精美既 banner 寫左一啲自創同埋受歡迎既小食 見到海膽都覺得好吸引😍 我同朋友都心郁郁想入去試😆不過呢到出名既除左係啲小食之外 仲有芝士撻🧀 正門入口處就有一堆芝士撻 仲有多款口味任君選擇 😍 我自己心水抹茶芝士撻同埋紫薯撻 🍵🍠 未食已經聞到好香既芝士同牛油味～近排仲做緊優惠 因為係感謝祭既緣故 所有芝士撻都做緊買三送一 芝士控既人一定會好開心 可以盡情享受優惠～我地入到店內 見到好有自己風格既裝潢 一個個圓形既筒 裝滿左大量糖果 啲糖既款式種類都好多 琳琅滿目 好吸引食慾😋而喺點餐位置既隔離 就有呢一個色彩繽紛既食物陳列櫃～ 雖然係彷製食物同飲品 但係全部都整得好精緻 尤其係啲糖果奶昔同埋個半隻燒雞🍬🍼🐥因為裝潢設計同埋食物都好吸引 我地決定點餐！一共廿七款既奶昔任君
周圍都人頭湧湧 而呢間叫Candy Shake 既鋪頭好似特別多人 店鋪個招牌都好靚 店內仲有宣傳影片 專門推介值得一試既小食😋
門外仲有幾張精美既 banner 寫左一啲自創同埋受歡迎既小食 見到海膽都覺得好吸引😍 我同朋友都心郁郁想入去試😆
不過呢到出名既除左係啲小食之外 仲有芝士撻🧀 正門入口處就有一堆芝士撻 仲有多款口味任君選擇 😍 我自己心水抹茶芝士撻同埋紫薯撻 🍵🍠 未食已經聞到好香既芝士同牛油味～
近排仲做緊優惠 因為係感謝祭既緣故 所有芝士撻都做緊買三送一 芝士控既人一定會好開心 可以盡情享受優惠～
我地入到店內 見到好有自己風格既裝潢 一個個圓形既筒 裝滿左大量糖果 啲糖既款式種類都好多 琳琅滿目 好吸引食慾😋
而喺點餐位置既隔離 就有呢一個色彩繽紛既食物陳列櫃～ 雖然係彷製食物同飲品 但係全部都整得好精緻 尤其係啲糖果奶昔同埋個半隻燒雞🍬🍼🐥
因為裝潢設計同埋食物都好吸引 我地決定點餐！一共廿七款既奶昔任君選擇 我地都睇到花多眼亂 唔知應該揀咩好～ 我又想飲麥提莎奶昔 又想飲三角朱古力奶昔 不過最後揀左一杯Dove 黑朱古力奶昔！🍫🥛
朱古力奶昔既Size 唔係好大 飲完都唔會覺得膩～ Dove 黑朱古力既味道幾濃 個人好中意Dove 黑朱古力好細滑 又帶點苦澀味 好有性格既味道😂 我地一路飲一路都食到朱古力粒 雖然又有朱古力又有奶 但奶昔既味道唔會過甜 反而愈飲愈停唔到口 係所謂既甜而不膩～😋
重點想表達既係呢杯奶昔賣相極討好！上面有六粒馬騮頭造型既朱古力糖 超級可愛😊 而且仲有粉紅色既朱古力碎 散發出好甜蜜既感覺～
小食我揀既就係肉醬炸墨魚麵拼薯角 炸墨魚麵我真係第一次食 好有創意 將墨魚肉打造成一條麵咁長 炸到外皮酥脆 入面既墨魚肉幾彈牙 配埋肉醬既味道 真係好特別既口感同味道～
睇下啲薯角幾新鮮外脆內軟 入面全部都係薯蓉 好中意佢有好香既薯味～ 而且佢唔算炸得好油膩 食完罪惡感冇咁大😂
最後埋單$48 我唔知係我細食既原因定係點 我覺得好飽好滿足～ 服務員既態度都好好 好有耐性咁幫我地點餐 因為買左小食既關係 杯Candy Shake 有半價優惠！
Post
