金柚泰國餐廳 (Closed)

通常食泰菜都會去九龍城，本人習慣去九龍城同心。今次在奧海城附近搵地方普通晚飯，見到評價唔錯，即管一試，結果係意外驚喜好食。食物偏濃味，設計精美（食物擺位伴碟花心思）。是晚在新舖用餐，地方簡潔，侍應話開了一年，隔離舊舖開了三年，星期二8:30pm唔洗等位。地點在內街比較唔就腳，可考慮搭綠Van-12A旺角東至大角咀或綠Van-3號尖沙咀至大角咀。香茅雞翼出色 - 薄炸粉，外脆，內嫩juicy，好入味。椰汁雞湯 - 味濃，多料，雞肉居然是滑的。蝦醬炒飯 - 精美，香口。泰式炒金邊粉 - 乾身好食，略嫌份量少了一點。炸蝦餅 - 脆口入味。蠔餅有鐵板（濕的）或炸，是晚選了炸（好熱氣），粉漿薄，蠔仔新鮮，下次一定會試鐵板的。泰食炒通菜可以。睇到隔離枱點了食評推介的鋪上蟹子的生蝦刺身及咖哩軟殼蟹，好吸引，下次試。