金柚泰國餐廳 (Closed)

夜裡經過大角咀，諗住搵間餐廳食埋晚飯再返去一直行都唔啱心水，就係街角見到呢間泰國菜入有幾枱人食緊應該都唔錯，於是就試下～店內裝潢較簡單，有如去咗轉泰國睇過餐牌後都有好多選擇，揀咗幾樣有興趣的落單-泰國象啤 $28味道淡口而清香附送的蝦片酥脆爽口，送酒一流冬陰功湯 $65鐵鍋連迷你火爐上菜，好地道又Keep 住夠熱湯頭酸辣適中，配料十分足料雖然蝦不算好新鮮，但整湯味道不錯仲好開胃咖喱炒蟹跟蒜蓉包 (時價)賣相好吸引，蒜蓉包烤得焦黃酥脆，蒜味香濃蟹都幾大隻又多膏，咖喱味道較甜仲有蛋花配包食非常滋味追加薄餅 $28食落香酥柔軟夠新鮮附送甜品- 椰汁大菜糕味道清香微甜整體食物味道不錯，似做街坊生意店員同老闆都係泰國人，不過都識聽同講廣東話感覺好地道，可以再來～

在大角咀有很多泰國餐廳都是泰國人主理的，金柚泰國菜就是其中一間，試過幾間泰國菜這間是我最喜歡和口味比較適合我的，我們叫了豬牛雞串燒，古法炸鱸魚，泰式炒椰菜苗，薄餅，柏麗軟殼蟹，生菜包。其中古法炸鱸魚是我最喜愛的每次去都會叫這一樣餸，鱸魚肉質鮮味，上面鋪滿咗花生同青木瓜沙律加其他香料，同鱸魚一齊食十分之野味酸酸辣辣，我最喜愛栢麗軟殼蟹的咖哩汁，配薄餅一起食最好，而生菜包可選擇小辣中辣大辣，視乎個人口味，每次飯後都會加送甜品，多是椰汁糕，清清甜甜十分好味。

朋友住大角咀 ～他常提議去這間金柚泰國菜， 這間小舖不難找細細間的！ 今晚約埋幾個朋友一起去， 佢話啲食物好有質素，平民價！呢一日我哋就跟住佢嚟到大角咀呢間泰國菜 試下係咪真係咁正先， 我哋一行八個人！首先叫飲品！但就唔係咁多選擇！ 佢哋最多叫青檸梳打水！試一下～鹹鹹地丶酸酸地丶又幾好飲！而我飲嗰個係龍眼冰！ 都不錯！ 我哋點咗好多個菜～好多個菜都好好食！好有泰國式嘅風味！ 而環境不是好大！得幾張枱丶沒有什麼裝置丶不過會看食物的質素多些！因為這間小舖真的是泰國人做廚師及泰國職員！ 所以有番啲水準！ 講番食物～我哋今晚點咗好多樣餸， 又有泰式拼盤 丶炒菜 丶木瓜絲沙律丶 炸鱸魚 丶一打串燒牛豬雞丶 炒蝦金邊粉丶 碎肉包生菜丶 木瓜沙律丶 海鮮芋頭飯！好正呀！ 埋單畀我想像與其中平好多！ 呢間有機會我一定會帶朋友親人在內吃大家係咪睇見都流曬口水呢！不妨去試下

金柚曾經係我哋成班朋友想去食泰國嘢就會去呢間，但隨住大家搬離大角咀，都好耐無幫襯。有朋友想食泰國嘢，又唔限時，仲要價錢親民，豪無懸念即刻推薦呢間柚子沙律魚干花生碎撈泰式汁我係覺得魚干比較腥之外，柚子撈埋泰式汁+花生碎好香好好食😋泰式鳳爪我覺得師傅重手左，太辣😅泰式炸鱸魚師傅起晒骨嚟炸，啖啖肉之餘又香口泰式生菜包清清地又帶酸酸地再帶點辣真的很好食軟殼蟹 乾炒咖哩佢雖然好多汁，但佢個名真係叫乾炒如果鐘意汁撈飯/薄餅/蒜蓉包咁就正啦

假期去開大角咀附近，搵下有咩食。行行下行到條唔顯眼橫街，見到竟然有間泰國餐廳，入面仲幾好生意，一於試吓。.我地2個人都叫咗幾多野食，成枱都係.泰式炒通菜佢炒完用個鑊鏟壓得好實，我地呢度其實已經食咗啲，其實份量超多，又夠晒香辣。鐵板蠔仔蛋最鍾意佢一上菜滋滋聲，蛋又唔老，又超多蠔仔，非常足料同惹味。燒牛肉我地叫咗5成熟，估唔到都幾大碟，試過係有啲餐廳食，得5塊。呢碟又唔會痴牙，火喉掌握得幾好。半隻燒雞食燒雞最怕佢好柴，但佢唔會，隻雞本身有調味，良心份量。總結，上菜超快，即使full house都可以keep住5分鐘度上一樣野，味道又唔錯。最後埋單好似三百二度，免加一。

🎖脆卜卜泰式炸魚🐟🤤.大角咀嘅街坊一定知道呢一間泰國菜，唔係特別平，勝在出品都尚算穩定同高質😍咖喱軟殼蟹、公仔冰雕生蝦、燒雞翼就唔駛多講，黎親都會叫😋.重點介紹番新試既泰式炸魚🐟脆卜卜🤤🤤辣辣地好惹味！今次試左鱸魚就有啲多骨，但都叫做大骨，怕骨如我既老人家都食到，但下次會試下叫第二種魚😂😂金柚沙律又係正😋啲柚好甜又冇苦澀味，連埋啲配料加脆魚仔，非常開胃😍仲有個又象又老鼠🐭咁樣既冰雕生蝦😆係幾過癮👻.#fatfat4ever_大角咀 #fatfat4ever

難得男朋友早放，又可以去食好嘢。今日嚟到大角咀金柚餐廳，嗌左五樣嘢食，泰式紅咖喱軟殼蟹，生菜包，蝦餅，蒜蓉包，泰式啤酒。呢間餐廳好地道，全部店員係泰國人，好有禮貌。每碟餸都係即叫即整，熱辣辣。飯後仲有甜品添，正。呢間小店好有心機，值得支持，性價比高生菜包 小小辣👍🏻蒜蓉包 香脆👍🏻 配埋紅咖喱一流泰式紅咖喱軟殼蟹 好好味 小辣蝦餅最後仲有甜點，係芋頭西米露。哈哈，大家掛住食，唔記得影相。如果開大角咀，值得嚟食。

第一次來這家小店， 地點好刁鑽， 唔係朋友介紹都唔會過嚟呢一邊，都幾難搵。夜晚十點放工就衝過嚟，因為哩度收十一點。㕑房和樓面都係泰國人。我哋兩人叫咗咖哩蝦、生菜肉碎包、蒜蓉包、芒果糯米飯。好地道嘅味道，好似置身喺泰國咁。每碟餸菜都好用心做，熱辣辣好好味。咖哩蝦配上蒜蓉包，簡直係一絕生菜肉碎包， 我哋要咗小辣，加上檸檬嘅酸酸may may，正芒果糯米飯，椰香味加上陣陣嘅杏仁味，好正。支持小店， 希望小店繼續 keep住水準。

係大角咀小區發現一間好地道既泰國菜雖然店內唔係好大 但幾有風味坐得都舒適餐牌其實好多選擇想食咩都有先叫個泰式生蝦仲有好心思整左米老鼠既冰塊生蝦好新鮮 調味醬調得好好酸酸辣辣泰式紅咖哩軟殻蟹有兩隻軟殻蟹紅咖哩少少辣但好入味 入面仲有一塊多士唔夠既可以加錢配薄餅或多士泰式炒通菜愈食愈辣 但愈食又愈想食好大碟 份量足泰式炸蝦春卷入面有原隻蝦 炸得好香脆椰青幾清甜青檸梳打 小區黎講其實好出色好正宗泰國菜 係泰國人打理而且價錢抵食

有天我跟Honey說想飲冬蔭公，他就帶我來這裡。其實我們不是第一次來，肯定是食過翻尋味。我們總是眼闊肚窄，餐牌上想吃的都會點，為了不浪費食物，結果多數是撐著肚子收場。今次為免將享受美食變成辛苦地吃，決定只限點3樣菜，就算有再想吃的，都要留待下次。冬蔭公，雖然不是必飲，但絕對係好味。用料鮮，蝦亦甜。通常我會選少辣或中辣，辣味和酸味平均，互相配搭，不搶對方風頭。酸味到位不嗆喉，辣味提鮮醒胃。有細和大兩個size選擇。柚子沙律的柚子，粒粒飽滿，入口咬落有爆汁口感，配上切了幼絲的紅洋葱、細切青葱、香口鹹蝦，很豐富的味蕾享受。奉上時沙律已經拌好，食材中還有些細細條、好幼身，烤香了的椰絲。去食泰菜，多數我也會點炒椰菜苗，但又許多時都遇上沒返貨而要轉其他。青綠的椰菜苗，顏色足夠讓你垂涎三尺。沒有過多的調味料，簡單的炒好就上碟，好味。飯後有甜品奉送，我想這應該是芒果大菜糕。爽口的甜度剛好，但不是我杯茶。

新一年食餐好嘅不為過，今日行奧海城，行咗過去大角咀覓食。行過呢間泰國菜，好想食就入去啦。坐呢唔會係舒服，木椅，多人嘅時候幾迫下。呢個係金柚沙律，西柚算多，但朋友話差咗，無咗海鮮，淨咗啲。呢個係咖喱青衣魚柳包，我自己好喜歡烤得好脆嘅包面，加埋個汁，真係唔錯。最後點個椰青，算係多汁，多椰肉，配咖喱一流。

繼續大角咀四圍食﹗這間金柚泰國菜在網上評價不錯，全讚無彈我同食家梗係來試吓。店有兩個鋪，環境比較迫狹，先來一碟生蝦刺身，這兒除了有個雪人吸晴外，生蝦肥美大大隻，超新鮮爽甜，好好味，可惜出面30幾度，雪人唔洗三個字已經溶化了金柑沙律魚露味重帶鹹香，份量多大大碟炒椰菜苗鮮脆，好吃失望是燒牛柳質素十分一般，燒到全熟，味道麻麻。連泰象一枝$320埋單，價錢中規中矩，如有多幾個人來可以試更多美食就更妙。

哈哈，狂chur左幾個星期，終於趕完份reportSenior為左慰勞我地班苦瓜乾請我地食左餐好呢間泰國野真係唔講得笑，六點半去到已經滿座咁濟，位置唔算多，但佢有兩個舖位，真係好多人食！好彩我地有book位坐低左當然係乖乖地等大佬發板啲野食咋咋聲咁送上黎首先，有泰國必飲冬蔭公湯料好足，有。。。海鮮(姐係蝦)、菇、一堆配料個湯仲可以自己揀辣度，多奶or 少奶好味指數:之後呢，就有大佬必食生菜包，小小辣多多汁。又真係一定要食嫁喎，因為真係幾好食好味指數: 跟住呢就係呢個咖哩軟殼蟹感覺好少蟹？其實好多蟹我地四個人，一人都有兩隻 4 x 2 = ........🤔啲蟹要襯快食，因為佢炸過，唔食就淋嫁喇你唔好以為啲蟹係重點，其實主角係pat咖哩，當咖哩遇上蒜容包就會係你人生食過好好味嘅包！Sorry 無影到個包好味指數: 就咁睇個樣可能你唔知佢係咩黎，其實佢係柚子沙津。柚子就成日食，但用柚子做嘅沙津又真係第一次食好味指數: 四個人得四個餸？其實唔係，仲有生蝦、炸蟹球、、、食得太快影唔切🤦🏿‍♀️呢間泰國野由泰國人主理，是真的幾好吃得閒諗唔到食咩就try try la

今日又係我哋女仔gathering嘅時間，朋友諗住去食泰國菜，本身諗住係去銅鑼灣啲泰國菜餐廳食，但突然間諗起大角咀有一間比較偏僻但係又平又好味嘅泰國餐廳，所以就叫啲朋友試吓啦，已經幾年無嚟過，今次再嚟覺得好有新鮮感，菜譜亦加左好多新款菜式，我D朋友第一次嚟，就更加咩嘢都想食企鵝仔真係好可愛，外表好吸引，朋友不停為它拍照鹹蛋黃炒得好香鮮魷炸得剛剛好，炸粉好薄柚子沙律好特別，有好多材料，響出邊食唔到咖喱軟殼蟹好味好多蠔仔

大角咀近年食肆林立，好多新嘅餐廳都喺大角咀落戶。餐廳種類好多，有中、有西、有日本野、有泰國嘢、有越南野、有小食店、火鍋店、甜品店等等，有咁多餐廳，競爭難免變得激烈；然而，經得起競爭，能夠留低嘅餐廳自然有返咁上下工架。幾年前已經嚟過金柚，當時金柚的店面非常細；今日黎到，發現金柚已經搬左過隔離一個較為寬闊嘅舖位。我哋一行五個人來到金柚，萬幸地佔用到佢最後一張六人枱，唔使等位！打開餐牌，感覺價錢比普遍的泰國餐廳便宜；加上各位食友都飢腸轆轆，於是就放肆地叫左頗多的食物。最先出現嘅竟然係炒通菜，咪睇佢細細碟，其實份量一啲都唔少。通菜乾而爽，顏色唔算絕頂翠綠，但惹味又夠鑊氣，好食泰式炒金邊粉唔會炒得太過乾身，配料豐富，啖啖都食到紅蝦米、豆腐乾、酸蘿蔔粒、芽菜、雞肉等等嘅材料，撈埋旁邊嘅花生碎一齊，口感非常豐富。今晚嘅主角出場 - 咖喱軟殼蟹。我好鍾意呢種加左好多蛋入去嘅咖哩汁，香甜唔太辣；酥炸過後嘅軟殼蟹充分咁吸收左蛋香滿滿的咖喱汁，真係食到停唔到口。食晒啲軟殻蟹之後，我哋都冇浪費到啲咖哩汁。我哋除咗厚厚咁淋d汁上蒜蓉包度食之外，仲要左幾碗白飯黎撈咖喱汁。蠔餅係我無論食泰國嘢定係潮州嘢都必叫嘅食物