魔膳廚房 (Closed)

朋友介紹到緊喺要試下啦。哩間魔膳廚房位於工廈內，環境非常闊落。餐廳佈置相當用心，充滿藝術色彩，由梯口至餐桌位置都有好多影相位，鐘意影相打卡嘅朋友一定要嚟試下。之前聽朋友介紹過哩到個和牛漢堡，所以諗都唔諗就叫左個二人行大蝦和牛套餐。餐湯有海鮮湯同雜菜湯揀。兩款湯都好足料，好飲！不過比較下我鐘意海鮮湯多啲，好鮮甜👍🏼。餐包送到嚟時仲喺好暖，上面有啲提子乾，麵包超級鬆軟。另外加$18可以任食沙律吧，哩個價錢比起其他套餐加$38才可享用更加划算。Side Dish喺法式焗釀田螺。薯仔打到好溶好滑，不過仍然保留到薯仔本身粉粉地嘅質感。田螺經過高溫烹煮後仲好彈牙。薯蓉同田螺配搭好夾。Main Courses分別喺扒中虎蝦配龍蝦汁扁意粉同極上和牛漢堡配薯角。用龍蝦汁煮過嘅意粉好入味，意粉完全吸收哂龍蝦汁味道。意粉爽口，軟硬度適中。大蝦就堅大隻，肉質爽脆彈牙👍🏼，喺用鮮蝦先做到嘅口感。最期待嘅和牛漢堡的確冇令我失望。塊和牛漢堡扒有成寸厚，咬一啖有超多肉汁流出，牛味好出，味道超正。包面微微烘過，包皮有少少脆，溶左嘅芝士同和牛合二為一，真喺食到停唔到口。新鮮炸起嘅薯角好熱好脆👍🏼。跟餐只要加$36就可以升