名館 (Closed)

超級推介大家黎呢度食佢個點心！睇得又食得，小朋友黎到一定好開心！呢個名為老鼠愛大米！有三只老鼠係度，但一啲都唔得人驚，仲好cutie外邊係西米，原本以為入面係豆沙，點知係咸水角果啲料，係咸點，真係估佢唔到！煙煙韌韌，好味！鮮蝦金魚餃只色似錦鯉多啲，有啲金色係面。好可愛！蝦球好大舊，蝦新鮮爽口！天鵝酥酥皮好鬆化，頭頸係用麵粉做，入面係紫薯，甜度適中，喜歡佢係配紫薯，而唔係成日食既紅豆！淮山個人幾中意食，又健康，不過處理麻煩，唔會整淮山凍凍地，好爽口，沾麻醬食好夾！蒸娃娃菜面頭既應該係梅菜，甜甜地。娃娃菜好稔，清甜。厚切叉燒真係好厚切，有少少肥肉，食落去好稔好多肉汁！果然係叉燒皇！好食！蜂蜜柚子蝦蝦炸到好鬆化，蝦肉爽口彈牙！配蜂蜜柚子都係第一次食。好香柚子味，甜甜的，甜中又帶啲柚皮味，唔錯！霸王辣子雞丁個外型好吸引，一睇就知味送係雞😂呢一碟好惹味！喜歡食辣但又唔食得太辣既就岩晒！！佢用左好多乾辣椒去炒，但唔算好辣，唔食得辣既我都食得。佢有一陣麻辣味，少少既麻，又有少少胡椒粉味，好香口！好大兜，有好多既雞丁同腰味！雞丁肉質嫩。黎到甜品啦！睇餐牌時見到好特別，就叫左。😝黎到真係懷疑佢食唔食得。