棋子燒鵝 (Closed)

去九龍灣見客，忙到趕唔切在6點前食飯，唯有去買外賣返屋企食，在德福廣場二期有唔少食店，最吸睛的是棋子燒鵝，見到啲燒鵝一隻隻掛係度，色澤鮮艷，個肚當堂打曬鼓，即刻斬料回家吃飯。燒腩仔一層肥一層瘦好均勻，外皮鬆化，肉質又嫩又Juicy！點些芥茉醬更加好味！叉燒醃得夠入味，肉質鬆軟，蜜汁甜美。燒鵝片飯，滷水鵝片食得多，燒鵝片就好少燒臘舖有，梗係要試吓，棋子燒鵝係用煙熏烹製，所以全隻鵝都充滿煙熏香味，鵝肉鮮嫩啖啖肉，鵝皮因含鵝油，味道特別濃郁，鵝油和煙熏味在口腔持久不散，回味無窮！