Video
Read full review
2019-05-03
169 views
坊間開左越來越多高級日本料理，每一家都有唔同嘅賣點，最近去咗位於銅鑼灣嘅「鮨蕾 Sushi Tsubomi」晚飯，盡情嘆一餐高質素嘅Omakase。2017年6 月開始正式營業，餐廳位於銅鑼灣 V-Point 高層，行高檔路線。Omakase 餐單有四款，由 HK$850起至 HK$1,580。另外素食人士亦有素食 Omakase 餐單「松」揀。餐廳有面向銅鑼灣夜景嘅窗口位，亦有壽司吧枱可以近距離同廚師接觸。喜歡自成一角靜靜地享受美食嘅人，可以選擇坐窗口位，而有興趣同廚師多啲交流嘅人，可以選擇坐吧枱。可以全程欣賞廚師製作美食嘅過程，都係一種獨特嘅體驗嚟嘅我哋揀咗頭兩款「楓」同埋「堇」set，一齊share嚟食。首先上嘅前菜，自家炸薯片，同埋蜜糖浸京東粟子，入口清甜，配上好爽口嘅希靈魚昆布、加上和風醬汁浸京都入口嘅腐皮，豆味好香濃。另一款前菜係炸和牛卷露筍紫菜卷，配上春筍配魷魚。剌身有櫻鯛魚配拖羅同北海道海膽，海膽好鮮甜完全無腥味，櫻花鯛配上酸汁食酸酸甜甜十分開胃。海膽下面係拖羅大腩位置，入口即溶充滿油香。另外有深海池魚，同樣係十分鮮味。以為刺身部份已經完結，點知繼續有驚喜。接下來嘅係赤
餐廳有面向銅鑼灣夜景嘅窗口位，亦有壽司吧枱可以近距離同廚師接觸。喜歡自成一角靜靜地享受美食嘅人，可以選擇坐窗口位，而有興趣同廚師多啲交流嘅人，可以選擇坐吧枱。可以全程欣賞廚師製作美食嘅過程，都係一種獨特嘅體驗嚟嘅
我哋揀咗頭兩款「楓」同埋「堇」set，一齊share嚟食。首先上嘅前菜，自家炸薯片，同埋蜜糖浸京東粟子，入口清甜，配上好爽口嘅希靈魚昆布、加上和風醬汁浸京都入口嘅腐皮，豆味好香濃。另一款前菜係炸和牛卷露筍紫菜卷，配上春筍配魷魚。
剌身有櫻鯛魚配拖羅同北海道海膽，海膽好鮮甜完全無腥味，櫻花鯛配上酸汁食酸酸甜甜十分開胃。海膽下面係拖羅大腩位置，入口即溶充滿油香。另外有深海池魚，同樣係十分鮮味。
以為刺身部份已經完結，點知繼續有驚喜。接下來嘅係赤貝拼響螺刺身。容器下面係蘋果木煙燻嘅拖羅，以金箔同魚子醬舖面，好矜貴又好食。拖羅配以香甜嘅柚子醬汁，味道好特別。
北海道岩蠔好肥美鮮甜，帶有淡淡嘅海水味，配埋酸汁同埋香蔥一齊食，味道一絕。
煮物有時令嘅立魚子，秋葵，甘旬，里芋同日本小茄子，配以木魚高湯炮製而成。
炸物方面，有愛侶魚天婦羅，以炸大薑蔥絲伴碟。第一次食呢一種魚，口感幾特別。
廚師自家醃制嘅香煎日本入口銀鱈魚，魚肉十分彈牙，有別於一般嘅銀雪魚。魚油分布佈好平均，咬落啖啖油香，好高水準。
最令人期待嘅壽司部份，有右口魚邊壽司、池魚壽司、鯖魚壽司同埋牡丹蝦壽司。全部都好新鮮好好味，睇得出食材挑選十分用心。
熟食托羅已經係醬油裡面浸左五日，而且魚邊係煎香過嘅，令油香更加突出。北海道海膽鮮甜無比。
甜品以櫻花水信玄餅作結，呢一餐食得好飽好滿足！餐廳十分注重每一個細節位。例如一開始就會問食客有冇對任何食材敏感。餐廳採用嘅餐具絕大部份都係喺日本入口，例如鋪枱嘅餐墊、牙籤、都係款式精美同埋精挑細選。而每上一道菜之後，服務員亦會好細心咁講解每一道菜色同埋食用嘅先後次序等等。甚至連洗手間嘅座廁都係採用日本製造嘅電動坐便器，更有女士衛生用品例如衛生巾同護墊提供。亦有提供一次性漱口水同埋牙縫擦比客人使用。可見餐廳一絲不苟，對食物同埋食客嘅尊重實在值得讚揚。
Post
