壹玖捌叁

Open Now

Now Closed

而家無論係年輕人定老人家，食中菜又要好食又要靚，要求認真高，今日我就帶咗佢哋黎跑馬地呢間中菜廳，因為呢度出名環境靚而且又好食，啱晒我哋一班鍾意手機食先嘅人，一入到大門樓梯，姨媽姑姐已經不斷同啲擺設合照。我地頭盤叫左香蔥油海蜇花，同海皇酸辣羹，海蜇夠曬爽口；酸辣羹超多料，好好味，係我飲過咁多酸辣湯之中最好飲嘅一碗，好多海鮮，酸辣湯迷必點。原條龍船豉汁方利球色香味俱全，姿態栩栩如生，淨係影相都影左好耐，一食落鮮甜又彈牙。蟹肉芙蓉燴明珠清清地，岩曬老人家同小朋友撈飯食。鮑汁玉掌扣五頭湯鮑超低食，$188每人一份夠曬豪華！最後食埋個個椰汁燉燕窩，燕窩料好多，想再叫多碗！今晚全家都好滿足，下次會再嚟！