圍威喂 (荃灣廣場) (Closed)

泰國菜食唔少，呢間啲嘢食對得住佢個靚一靚嘅餐廳環境！#金邊粉菜式設計得好有心思，網紋蛋包住金邊粉，材料比例合理，啲粉都好彈牙，唔會油冧冧👍🏻好入口，而且啲雞啱晒鐘意食雞冇雞味嘅朋友😂佢個盆擺齊三種配料，泰式辣醬、花生碎、仲有辣椒粉，想落幾多就幾多。#菠蘿炒飯造型特別，最鍾意見到原隻菠蘿兜住啲炒飯，分量又唔會太少，肉鬆、腰果、仲有提子乾…雖然唔係店內推介，但幾值得試😋#黃咖喱多士落足海鮮www兩隻帶殼大蝦🍤兩個肥美青口🤤多士中間掘得好深，唔辣咖喱、海鮮洋蔥蛋漿紅椒絲勾芡，夠味得來又唔重口味，切開有爆漿嘅感覺，多士係脆嘅，點醬汁啱啱好食晒一碟。#泰式奶茶雪糕配油酥餅雪糕同油酥餅都好好食，但感覺好抽離，似係食緊兩樣獨立嘅食物。泰式奶茶雪糕有茶葉粒粒，可以話原汁原味，奶味濃，不過份量太細，得兩小球。#順帶一提，食物質素好，要加一服務費，但員工反應慢咗少少😅甜品畀咗羹但收走咗碟。