藍天食軒 (Closed)

色香味完全錯!大家有冇見過白色星洲炒米先？大家有冇見過冇青椒，叉燒得嗰兩三條，蛋花接近冇咁劑的星洲炒米先？今天我們看見了!!!今天同朋友經過佐敦吳松街，求其去間食肆諗住快快手食過午餐就各有各走。我們去咗呢間「藍天食軒」點個午餐星洲炒米，當然食呢種「快飯」唔會有咩期望，4十幾蚊填飽個肥就算啦。誰不知碟「星米」一到，我個心當堂離一離，「白色星米」唔知以為係冬日限定，最基本嘅青椒唔見咗，叉燒如秋葉一樣凋零落索，火腿失了蹤，蛋花似有還無，可見廚師手藝之高。諗住呢碟嘢可能係同場某出家人點嘅齋米，所以問一問阿姐呢碟係「星米」嗎？阿姐郤禮貌回應：「係。」就係呢剎那我頓悟了，小弟去咗一間脫離俗世嘅食店（雖然我覺得食店二字不配佢）。本人命賤，冒死食一口冬日版星米，米粉比我的命更硬，比我女人塊面更「鞋」，䶢味好霸道咁消滅其他味道，等你舌頭功能休息一下。餘下可以再做嘅事，只有影一張相，放下半百元，留番條命走人。平生冇做過咩嘢好事，但求留隻字片語，奉勸香港市民，珍惜生命，想再見藍天，唔好去呢間藍天食軒。我同朋友也就是說第一次見沒有青椒，叉燒得嗰兩三條，蛋花都冇既星州米。食多啖都浪費自己Quota，我們運動得好