一芳台灣水果茶 (Closed)

之前介紹完佢哋一系列Doraemon周邊產品之後，今日經過嘅時候又忍唔住買返兩杯黎飲🥰 見到佢哋出左限定嘅大甲芋頭飲品，其實🍔麻麻地芋頭，但係朋友極力推薦下，就買左兩杯試下嘞~-大甲芋頭鮮奶($35/M size) 芋頭係台灣個邊運過黎，出名味道香濃。依杯叫左微糖，但🍔會建議走糖，因為本身芋頭蓉都甜甜哋，撈埋牛奶味道就啱啱好💕 芋頭唔會完全打成蓉，有幾多一粒粒嘅芋頭去增加口感，而且味道都尚算香濃！牛奶同芋頭嘅比例啱啱好，唔會話互相搶味。估唔到芋頭同牛奶又幾夾😍芋頭鮮奶綠($35/M size) 依杯加左綠茶落去，層次多左，但要推介嘅都係芋頭牛奶多啲，感覺較濃郁❤️