大良八記 (Closed)

星期五放學之後，同個fd出番太子食糖水。有海記又有八記，但海記無咩人，好似無咩保證，於是就揀咗八記。要了芒果水晶。第一次食"水晶"，落單時問一問阿姐，佢話係海藻粉開嘅健康食品。講到咁健康，就即管一試。落單後不久就送上。好冰凍啊！芒果接近茸嘅質地，淋pat pat，仲好超甜添！唔知係咪用糖水浸過。至於水晶呢，係全透明，質地好淋、唔彈、唔煙韌，好似用好多水開嘅jelly一樣。但其實幾係my cup of tea，因為我鍾意呢個質感，唔洗點咬。但加了好多糖水，好甜。整體黎計我覺得唔錯，食完仲可以傾吓偈，唔多人。