許留山 (Closed)

最近市面開了好幾間專賣奶蓋飲品和水果茶的外賣店，友人早前試過榴槤奶蓋茶，大讚飲品入口綿密又有淡淡榴槤嘅幽香，味道唔錯。老實講，榴槤就咪搞我喇，不過早兩天出開旺角，途經「許留山」，發現原來店子最近都推出咗一系列「鮮果芝士奶蓋」，當中包括有：香橙菠蘿芝士奶蓋果茶、紅火龍奇異果芝士奶蓋及芒果芝士奶蓋。筆者是「許留山」的常客，對店裡的芒果甜品，尤為喜愛，反正這天有點口渴，就一於買杯芒果芝士奶蓋 ($34)  試試。飲品非常大杯，估計應該有 700cc，上層嘅芝士奶蓋，質感濃稠，入口順滑，帶淡淡芝士鹹香，而下層嘅果汁底，飲落就帶芒果嘅濃甜，同芝士奶蓋味道好夾，夠曬 Fresh，唔錯。下次經過開「許留山」，會試埋另外嗰兩款。