聰嫂私房甜品 (Closed)

同朋友仔難得聚會，食完豐富既晚餐，就直落食糖水，聰嫂一向好多人食，排隊都少不免，不過等左一陣就有位啦，打開餐牌，糖水款式花多眼前亂，諗緊食芒果冰好定芒果奶昔雙皮奶好，十五十六底下，最後都係揀左芒果奶昔雙皮奶。上甜品既速度都幾快，即使坐滿客，等左5-10分鐘就到左。芒果奶昔雙皮奶($35)份量都唔少，成碗滿，上層既芒果都算甜，而且好厚肉，芒果下面有一層薄薄既芒果奶昔，食落好似芒果沙冰，而且配埋雙皮奶一齊食，口感有多左一層，好味呀😍其實糖水黎講唔算貴，每人都係二三十蚊