OMG Chicken (Closed)

將軍澳發展得越來越快，各式各樣嘅餐廳都開始蓬勃，呢間餐廳雖然睇落比較大眾化，但係試完絕對有驚喜，首先有海膽帶子湯，入邊有兩大塊海膽㗎仲有唔少嘅帶子，足料得來好夠味，海膽鹹香加埋帶子。仲有跟湯嘅蒜蓉包可以掂嚟食。跟住有芝士四重奏pizza，入邊有四種唔同嘅芝士，藍芝士，馬蘇里拉，車打芝士，巴馬臣。Pizza底薄脆，芝士拉絲冇問題，芝士控泥到一定要試。小食就叫咗蟹肉芝士大啡菇，蟹肉份量足，同啡菇好夾。最後主菜有佢招牌嘅OMG烤雞，配墨西哥香辣汁，好惹味，雞肉juicy。推薦大家嚟到將軍澳一定要試。