芝士冰室 (Closed)

之前香港好似得一間芝士撈麵專門店，但佢啲分店越來越少... 好彩今次比我喺深水埗原來都有間芝士麵專門店！！ 超開心即刻去會一會佢!佢地既芝士撈丁個芝士汁係用咗五種唔同嘅芝士MIX埋，之後個芝士汁仲可以加其他口味：咸蛋/南洋/蒜香/麻辣。我哋呢次就試咗招牌同埋蒜香。麵底除咗公仔麵仲可以揀意粉、通粉、螺絲粉同埋稻庭烏冬，不過稻庭烏冬就要加錢先有。配料方面我哋揀選咗蜜糖煎雞扒同埋芝士漢堡扒炒蛋，前者皮脆肉嫩，有蜜糖嘅香甜，令雞扒食落更嫩滑更多汁。而漢堡扒有香脆嘅外表入面有流心芝士作餡料，仲可以拉絲。炒蛋嫩滑同芝士撈麵好夾。招牌流心芝士包：呢個包有滿滿嘅芝士，一定要趁熱食佢啲芝士就可以做到流心效果。我地仲加錢飲呢個芝士奶蓋蜜桃烏龍茶，佢個芝士奶蓋好綿密，有好重嘅芝士香味，蜜桃烏龍茶茶味都好香濃，仲有陣陣蜜糖所帶嘅香甜清新嘅味道，令整杯飲品變得更清新。好啱食完咁多芝士嘅時候飲。