Read full review
2024-02-21
1580 views
我同細妹同一個月生日,想搵間舒服嘅餐廳一齊嘆個lunch。今次再訪「M Square」,全因上次同朋友喺度晚餐慶祝生日,感覺非常愉快,所以就帶細妹嚟午餐。位於西貢WM Hotel裡面, 以運動做主題嘅美式西餐廳,環境好寬敞,樓底高,採光度十足,雖然今日陰天,但室內光猛,裝修簡約和諧,坐得舒服,予人休閒嘅度假感覺。餐廳襯返主題,有大螢幕同電視播住唔同嘅運動比賽,仲有唔同設施俾客人玩:美式桌球、足球機、彈珠機同高爾夫球模擬空間。當日見到好多枱客人都係一家大細嚟,一邊食嘢一邊玩。餐廳都有好多位店員,主動有禮。酒店餐廳嚟講,價錢都屬於親民。ღ 𝘚𝘦𝘤𝘪𝘢𝘭𝘵𝘺 𝘤𝘩𝘪𝘱𝘴⊛ 𝗕𝗹𝗮𝗰𝗸 𝘁𝗿𝘂𝗳𝗳𝗹𝗲 𝗰𝗵𝗲𝗲𝘀𝗲 𝗰𝗵𝗶𝗽 $𝟱𝟴黑松露芝士汁薯條係餐廳recommended,睇佢只係用碗盛住,原來份量都好多,食極都仲有。一入口黑松露香氣超濃郁,喺口腔內擴散,同芝士味好夾,薯條炸得外脆內軟,仲要係呢個價錢,非常抵食。ღ 𝘗𝘪𝘻𝘻𝘢⊛ 𝗙𝗼𝘂𝗿 𝗰𝗵𝗲𝗲𝘀𝗲 $𝟮𝟯𝟵四式芝士- burrata,gorgonzola,mozzarella,mascarpone一上枱見到pizza係星形,已經覺得好
𝗕𝗹𝗮𝗰𝗸 𝘁𝗿𝘂𝗳𝗳𝗹𝗲 𝗰𝗵𝗲𝗲𝘀𝗲 𝗰𝗵𝗶𝗽
9 views
0 likes
0 comments
⊛ 𝗕𝗹𝗮𝗰𝗸 𝘁𝗿𝘂𝗳𝗳𝗹𝗲 𝗰𝗵𝗲𝗲𝘀𝗲 𝗰𝗵𝗶𝗽 $𝟱𝟴
黑松露芝士汁薯條
係餐廳recommended,睇佢只係用碗盛住,原來份量都好多,食極都仲有。一入口黑松露香氣超濃郁,喺口腔內擴散,同芝士味好夾,薯條炸得外脆內軟,仲要係呢個價錢,非常抵食。
𝗙𝗼𝘂𝗿 𝗰𝗵𝗲𝗲𝘀𝗲
23 views
0 likes
0 comments
⊛ 𝗙𝗼𝘂𝗿 𝗰𝗵𝗲𝗲𝘀𝗲 $𝟮𝟯𝟵
四式芝士- burrata,gorgonzola,mozzarella,mascarpone
一上枱見到pizza係星形,已經覺得好靚。4種芝士4種口味,芝士控一定不能錯過。第一口芝士味道溫和香甜,有拉絲,之後食出濃郁奶香,食吓食吓又滲出鹹香,層次非常豐富。食到個角嘅位置,好有驚喜,終於明白點解會摺成呢個形狀,除咗美觀原來仲有功能,就係要袋住半液體狀嘅芝士,一啖咬落去有爆漿嘅感覺,軟滑忌廉芝士慢慢流出充滿整個口腔,極富濃郁奶香,好邪惡但一定會愛上。
𝗠𝘂𝘀𝘀𝗲𝗹𝘀 𝗽𝗼𝘁𝘀
10 views
0 likes
0 comments
⊛ 𝗠𝘂𝘀𝘀𝗲𝗹𝘀 𝗽𝗼𝘁𝘀 $𝟭𝟳𝟲
鮮茴香忌廉煮藍青口、烤麵包條
上次食過念念不忘,今次再叫,水準依然,藍青口鮮味嫩滑,帶有淡淡海水味,份量都多,最鍾意個忌廉汁夠晒香濃creamy,帶有茴香清新甜味,配烤麵包條吸晒忌廉汁食好滋味。
𝗪𝗶𝗹𝗱 𝘄𝗶𝗻𝗴𝘀
5 views
0 likes
0 comments
炸雞翼配蜜糖是拉差醬&青瓜酸忌廉
炸雞翼皮脆juice,好入味,配埋三款秘製醬汁,更食出唔同風味。蜜糖是拉差醬,酸甜中帶點微辣;青瓜酸忌廉,清新帶酸嘅奶油味;燒烤醬濃郁惹味。伴有西芹同甘荀沙律條,清新解肉膩。
𝗧𝗶𝗿𝗮𝗺𝗶𝘀𝘂 𝗽𝗮𝗻𝗰𝗮𝗸𝗲
12 views
0 likes
0 comments
⊛ 𝗧𝗶𝗿𝗮𝗺𝗶𝘀𝘂 𝗽𝗮𝗻𝗰𝗮𝗸𝗲 $𝟭𝟯𝟵
厚班戟,提拉米蘇醬,燕麥松子仁&咖啡糖漿
甜品menu樣樣都好吸引,有點選擇困難。落單時告知同朋友慶祝生日,店員就貼心插上生日牌同蠟燭,上枱一刻感覺窩心。賣相靚,即叫即整梳乎厘班戟富空氣感,充滿奶香蛋香,tiramisu醬低甜香滑,滿滿咖啡香味,燕麥松子仁增加脆脆口感,配合酸甜芒果粒粒、藍莓、士多啤梨,多重層次享受。book位時通知,更可喺甜品碟上寫上壽星個名,非常適合同朋友嚟慶祝。假日泊位消費$300免1個鐘,$600免兩個鐘。
𝗖𝗹𝗮𝘀𝘀𝗶𝗰 𝗻𝗮𝗰𝗵𝗼𝘀 𝘄𝗶𝘁𝗵 𝗺𝗶𝗻𝘁 𝗰𝗵𝗼𝗰𝗼𝗹𝗮𝘁𝗲 𝗺𝗶𝗹𝗸𝘀𝗵𝗮𝗸𝗲 & 𝗦𝗽𝗲𝗰𝗶𝗮𝗹𝘁𝘆 𝗰𝗵𝗶𝗽𝘀 𝘄𝗶𝘁𝗵 𝗰𝗼𝗹𝗱 𝗯𝗿𝗲𝘄 𝗶𝗰𝗲𝗱 𝘁𝗲𝗮
32 views
0 likes
0 comments
墨西哥粟米片配薄荷朱古力奶昔
Snacks cup份量都幾多,脆脆墨西哥粟米片配芝士醬、墨西哥辣椒醬、番茄莎莎、酸忌廉同牛油果醬,食出多種口味。薄荷同朱古力真係perfect match,清涼薄荷味奶昔配濃郁朱古力醬,加埋cream,入口冰凍順滑真暢快。
炸薯條配芒果蜜桃茶
炸薯條香脆,有四款醬汁選擇,我揀咗酸忌廉牛油果醬,微酸,軟綿清新。冰茶滿滿芒果同蜜桃嘅果香,清甜解喝。
地址:西貢惠民路28號WM酒店地下低層A1號舖
Post