龍鳳食堂

Open Now

Now Closed

尋日午餐時段走左入工廈餐廳食，好多人呀差啲冇位🙈雖然係工廈食店，但環境比我預期嘅乾淨同大，而且啲職員態度都好nice,唔怕坐得耐會比人趕走嘅感覺。坐低見隔離位女士碗芝士撈丁好吸引，吸引到我跟住嗌。其實我真係第一次食芝士撈公仔麵😂另外仲有瑞士汁雞翼同紅豆冰。芝士撈丁啲芝士有成一半咁多，足夠每一啖都撈到微微杰身嘅芝士。呢碗野真係人間美食點解可以咁好味架😍😍瑞士雞翼有3隻，瑞士汁又係好足，雞翼好入味！紅豆冰嘅紅豆粒有杯嘅一半，咁足料得唔得架🫢真心覺得呢間餐廳野食野飲都好正性價比好高。