Candy Shake (Closed)

每次經旺角都很想食，但無奈次次飯後都太飽，今次下午行完街，順便買回來食，仲要有買三送一優惠。原味芝士撻$20、抹茶芝士撻$18、香芋芝士撻$18、紫薯芝士撻$18。除開每個$14左右，抵食啦。原味芝士撻味道反而最濃郁，質地厚身又夠滑，而且都算輕盈，食完唔會好膩。芝士味同奶香味都較重，撻皮保持鬆脆，還做得夠薄身。香芋芝士撻，基本上同原味一樣，只係多了少少芋香，味道太淡了。難得餡料爆滿，味道卻有進步空間。抹茶芝士撻，味道似綠茶的清香，好易接受。但未去到抹茶的茶甘味，所以可以再濃d。但清新口味食完不膩也幾好。紫薯芝士撻，最後是我最喜歡的。紫薯味夠重，還焗過令味道更濃縮又香口。芝士餡的味道又同紫薯味平衡到。而且感覺撻皮特別鬆脆。外帶回家食還保持撻皮脆身冇淋，仲微微帶暖，味道可以保存得宜，做得不錯。