Outdark (H8)

Open Now

Now Closed

看完韓劇私生活之後又勾起我想韓國野的欲望！尖沙咀H8一向都有好多好野食，見到17樓係韓國餐廳就同朋友上左去。餐廳的裝修好有心思！！門口挂滿七彩顔色的情人鎖，上面更寫滿不同客人的愛情故事同願望。我地等左一陣終於先入到去，所以大家要記得預早Book位。餐廳的位置都很寬躺十分舒適。我地叫左一個芝士王國的炒鷄和我最喜歡的飯卷。幫我地落單的係oppa黎的！看來是韓國人主理，食物的味道都會好正宗。芝士炒鷄：芝士炒鷄的材料非常豐富，包括有水牛芝士，韓國鷄蛋卷，泡菜，菠蘿粒，年糕和紫菜飯。店員首先會幫我們炒融D芝士，然後就可以包著鷄腿肉一起食。芝士分量很多，雖然很邪惡但卻很美味！而且還可以拉絲。鷄肉嫩滑多汁，加上醬汁有少少辣辣地好惹味，鷄肉加埋水牛芝士味道簡直係絕配。年糕煙韌有口感，鷄蛋卷蛋味香濃沾上醬汁更是惹味。最後我將紫菜飯放進醬汁和芝士均衡攪拌！味道極好，很像韓國的辣鷄超飯一樣。炸蝦飯卷：飯卷的材料包括有青瓜，菠菜、紅蘿蔔、醃蘿蔔、牛蒡等等。口感豐富，是我最鍾意食的韓國食物之一，加上紫菜外層凃了一曾的芝麻油，令到飯卷味道更香。