Video
Read full review
2023-07-12
101 views
屯門呢間火車做主題嘅酒店啱晒鍾意火車嘅朋友去打卡😍，就連餐廳裏面都有火車車廂卡位，幾得意又坐得舒服。呢度嘅自助晚餐性價比都唔錯，雖然款式唔多，但有齊焗龍蝦、燒蠔、刺身、Häagen-Dazs 雪糕任食㗎😋我哋一坐低就見到有芝士焗龍蝦出爐，即刻去攞返一份先，芝士香噴噴😍，鹹香鹹香，龍蝦肉質OK，唔會太乾太嚡，自助餐嚟講質素正常。龍蝦區隔離仲有燒蠔，蠔細細隻，勝在夠新鮮，燒起鮮甜鮮甜，唔腥👍🏻凍海鮮區方面，有長腳蟹、藍青口、翡翠螺、麵包蟹、蜆。麵包蟹爆膏，甘香甘香。長腳蟹肉質都唔錯😋，有啲鮮味，唔會過分鹹。刺身區有三文魚、吞拿魚、帶子、鯛魚、赤貝、甜蝦、八爪魚。其中三文魚最好食，夠肥美👍🏻其他刺身質素普普通通，叫做有咁多款刺身有得揀。熟食區方面，我哋就梗係首先食燒牛扒同埋羊架😍兩款都唔錯，但係始終自助餐有燈保持溫度，肉質始終冇咁嫩。佢有個類似椒鹽豬扒都好好食，香口惹味😋跟住我哋仲有試咗啲白酒汁煮龍蝦鉗同埋青口😋，龍蝦鉗啖啖肉，青口掛滿醬汁都唔錯。佢仲有個龍蝦肉闊條麵都好吸引，好多龍蝦肉。另外我見到仲有蒸魚、燒味、牛肋肉呢啲，但係已經太飽食唔落🙈甜品方面，我食咗個熱辣辣嘅窩夫，好食😋另外仲食
呢度嘅自助晚餐性價比都唔錯，雖然款式唔多，但有齊焗龍蝦、燒蠔、刺身、Häagen-Dazs 雪糕任食㗎😋
我哋一坐低就見到有芝士焗龍蝦出爐，即刻去攞返一份先，芝士香噴噴😍，鹹香鹹香，龍蝦肉質OK，唔會太乾太嚡，自助餐嚟講質素正常。龍蝦區隔離仲有燒蠔，蠔細細隻，勝在夠新鮮，燒起鮮甜鮮甜，唔腥👍🏻
凍海鮮區方面，有長腳蟹、藍青口、翡翠螺、麵包蟹、蜆。麵包蟹爆膏，甘香甘香。長腳蟹肉質都唔錯😋，有啲鮮味，唔會過分鹹。
刺身區有三文魚、吞拿魚、帶子、鯛魚、赤貝、甜蝦、八爪魚。其中三文魚最好食，夠肥美👍🏻其他刺身質素普普通通，叫做有咁多款刺身有得揀。
熟食區方面，我哋就梗係首先食燒牛扒同埋羊架😍兩款都唔錯，但係始終自助餐有燈保持溫度，肉質始終冇咁嫩。佢有個類似椒鹽豬扒都好好食，香口惹味😋跟住我哋仲有試咗啲白酒汁煮龍蝦鉗同埋青口😋，龍蝦鉗啖啖肉，青口掛滿醬汁都唔錯。佢仲有個龍蝦肉闊條麵都好吸引，好多龍蝦肉。另外我見到仲有蒸魚、燒味、牛肋肉呢啲，但係已經太飽食唔落🙈
甜品方面，我食咗個熱辣辣嘅窩夫，好食😋另外仲食咗泡芺同埋迷你macarons，都幾好食，唔太甜👍🏻之後我就狂食Häagen-Dazs雪糕回本🙈
Post
