Video
Read full review
2021-09-25
1838 views
🎏熊妹生日，屋企人又點會唔慶祝呢？📌熊妹生日，就梗係食熊妹鍾意食嘅嘢啦！好耐都冇食過韓國菜，好耐都冇飛過韓國🇰🇷，好掛住韓國呀！想喺香港食韓國菜，都莫過於韓國餐廳代表《Goobne Chicken》。📌多人食飯梗係預早訂枱啦，好難得旺角瓊華中心分店有得訂七點前嘅枱，咁出名嘅餐廳咁多人排隊，訂咗枱唔使等位嘛。📌熊妹鍾意食韓國菜，因為覺得款式比較特別。其中最出名嘅炸雞同埋芝加哥薄餅都令熊妹念念不忘，仲有好多鐵板鍋物呀，辣炒年糕啊，雞蛋卷都係韓國菜嘅特產。Goobne 芝加哥薄餅， $188打響頭泡嘅梗係要試吓呢個多重芝士嘅芝加哥薄餅啦。大薄餅一分為八，由五種芝士嘅混合，有芝士碎芝士粒芝士溶，當中有車打芝士嘅濃郁味，又有馬蘇里芝士嘅拉絲，各款芝士發揮所長，組合成一款非常濃郁芝士嘅薄餅，餅底用上香辣嘅茄醬，所有味道嘅配搭非常適合 ，真係韓國嘅芝加哥薄餅先會食到咁豐富嘅味道。UFO芝士火鍋，$268第二款招牌菜UFO芝士火鍋，就真係出名到街知巷聞。16件烤雞圍邊形成UFO咁樣，烤雞可以揀兩款口味，熱爐中間承載着馬蘇里拉、車打同Grana Padano芝士碎，由Gas爐烘熱啲芝士慢慢溶化，然後
📌熊妹生日，就梗係食熊妹鍾意食嘅嘢啦！好耐都冇食過韓國菜，好耐都冇飛過韓國🇰🇷，好掛住韓國呀！想喺香港食韓國菜，都莫過於韓國餐廳代表《Goobne Chicken》。
📌多人食飯梗係預早訂枱啦，好難得旺角瓊華中心分店有得訂七點前嘅枱，咁出名嘅餐廳咁多人排隊，訂咗枱唔使等位嘛。
📌熊妹鍾意食韓國菜，因為覺得款式比較特別。其中最出名嘅炸雞同埋芝加哥薄餅都令熊妹念念不忘，仲有好多鐵板鍋物呀，辣炒年糕啊，雞蛋卷都係韓國菜嘅特產。
Goobne 芝加哥薄餅
$188
57 views
0 likes
0 comments
打響頭泡嘅梗係要試吓呢個多重芝士嘅芝加哥薄餅啦。
大薄餅一分為八，由五種芝士嘅混合，有芝士碎芝士粒芝士溶，當中有車打芝士嘅濃郁味，又有馬蘇里芝士嘅拉絲，各款芝士發揮所長，組合成一款非常濃郁芝士嘅薄餅，餅底用上香辣嘅茄醬，所有味道嘅配搭非常適合 ，真係韓國嘅芝加哥薄餅先會食到咁豐富嘅味道。
UFO芝士火鍋
$268
39 views
0 likes
0 comments
第二款招牌菜UFO芝士火鍋，就真係出名到街知巷聞。
16件烤雞圍邊形成UFO咁樣，烤雞可以揀兩款口味，熱爐中間承載着馬蘇里拉、車打同Grana Padano芝士碎，由Gas爐烘熱啲芝士慢慢溶化，然後撈埋烤雞一齊食，嘩！係10磅嘅脂肪再加10磅嘅脂肪，好味！
由於有人食辣，有人又唔食辣，所以烤雞揀咗甜辣辣味同埋蜜糖味。烤雞一件都好大件，雞肉好嫩滑，外皮有醬汁鎖住，味道好濃郁，果然名不虛傳。
甜辣烤雞一定係韓國炸雞必食，因為甜辣醬就係韓國嘅特產，甜甜地辣辣地係韓國嘅經典味道。
蜜糖味就好香甜，在撈埋鹹鹹地嘅芝士，又甜又鹹味道特別之餘又好夾。
地中海檸檬沙律
$128
35 views
0 likes
0 comments
食咁多肥膩野，要食下啲蔬菜中和下先。
成家都係酸性體質，好鍾意食酸野。沙律材料有西柚、橙、蝦、蕃茄仔、沙律菜、葡萄乾，都想變酸嘅檸檬汁，所有材料都好清新，成件事真係好開胃呀，可以清一清口腔再食過。
鐵板芝士炒年糕
$165
32 views
0 likes
0 comments
辣炒年糕係韓國嘅傳統街頭小食，熊妹係第一次睇韓劇嘅時候已經愛上咗啦。
經典嘅韓國辣醬配合長條形嘅煙韌年糕，真係好滋味嘅小食。
因為有芝士做底，所以用鐵板呈上，可以以熱力保持住芝士嘅熱溶度。甜辣醬同芝士真係好夾，都係好典型嘅韓國菜味道，入面仲有辛拉麵底，仲郁點糕片，全部撈埋一齊食，又惹味又飽肚，好滿足呀！
鐵板芝士泡菜炒飯
$128
22 views
0 likes
0 comments
全部都叫啲小食，都要叫下啲飯食嘅。泡菜又係韓國嘅經典特產之一，由多款調味香料醃製出獨特嘅泡菜味道，即係熊妹愛不釋手。
咁濃味嘅泡菜攞嚟炒飯，就一定好惹味，仲撈埋芝士同埋面頭一隻荷包蛋，好簡單嘅炒飯材料已經係一款民間美食。
鐵板海鮮煎餅
$118
29 views
0 likes
0 comments
海鮮煎餅又係另一款傳統小食，入邊有蝦、魷魚、蛤蜊同埋大蔥造成嘅煎餅，感覺上比較油啲，餅底煎出嚟就會香口啲。蝦肉魷魚材料都唔劣質，口感幾彈牙，仲有大蔥嘅味道，不過係熊妹最怕食嘅。
韓式雞蛋卷
$148
29 views
0 likes
0 comments
雞蛋卷又係韓國令一款民間喺家中都可以簡單做出嘅傳統美食。
紫菜包裹住餐肉、青瓜、紅蘿蔔、芝士，然後再由有一層煎起的厚蛋皮包裹這個個紫菜卷，就成為呢個雞蛋卷喇。
味道就真係冇乜特別，就係好簡單嘅雞蛋卷小食，相對起價錢就冇咁抵食啦。
📌完美嘅生日大餐又完美結束啦！熊妹希望每年都可以同家人繼續過生日！
Post
