半熟工房 (Closed)

之前半熟蛋糕係香港興左一排，呢排熱潮又好似過左咁啦，不過都無減香港人對日文芝士蛋糕嘅熱愛。前排有雜誌介紹半熟工房又新出嘅雪糕，本身已經好想試，但係耐何唔係每一間都有雪糕賣今次同屋企人行完隔離場嘅宜家家私之後就去左愉景新城，行行下見到有間半熟工房竟然有雪糕賣，緊係要買黎試下啦！芝士雪糕本身已經好少有，仲要見到佢哋現場有焗爐係到整嘅，新鮮嘅野唔好食都有限啦！想叫個牛角酥雪糕，但係我去到已經係4點幾，佢話已經賣晒啦，如果想食嘅朋友就可能要早啲到！我叫左個芝士軟雪糕朱古力撻（＄42），芝士係法國芝士黎嘅，以雪糕當然就用佢哋嘅賣座北海道牛乳啦！食落唔會太甜，芝士味係淡淡地嘅，唔會好dominant，同牛奶味好夾！放係雪糕上面嘅brownies就不過不失，始終唔係主打野，所以都唔會期望有驚喜，哈哈！反以朱古力撻好重嘅朱古力味，唔會喺硬都食唔到個種。