芝士冰室 (Closed)

悠閒嘅假日，去左深水埗行街，想食個下午茶，見到有間芝士冰室，即刻吸引到我呢個芝士迷入去入到店舖叫咗份下午茶餐 [ 瑞士汁雞翼撈公仔麵 $47 ] 瑞士汁配雞翼真係最佳嘅配搭，4大隻雞翼肉質嫩滑，麵條軟硬度適中，公仔麵索哂啲甜香嘅瑞士汁，每一口食落都係濃濃汁嘅香，好味道。餐飲叫咗杯 [ 凍奶茶 $18 ] 另外有五款唔同口味嘅芝士汁撈丁，真係超邪惡嘅拉絲芝士，我就叫咗份 [ 吉列魚柳芝士撈 $50 ] 勁大塊外脆內軟嘅吉列魚柳，配麻辣芝士醬，醬汁滿滿，香濃好味，麻辣芝士醬，麻麻辣辣夠哂惹味。下次可以食埋其他口味叫咗芝士撈，仲可以用優惠價 +$28 配 [ 新鮮沙律菜 ]、指定小食就揀咗 [ 流心芝士漢堡扒 ] 煎香漢堡扒後，中間嘅芝士醬呈流心狀態，所以一咬開就即刻唧哂出嚟，同漢堡扒好夾、指定特飲就叫咗杯超大杯嘅 [ 凍粒粒爆檸檬梳打 ] 切粒檸檬配梳打，味道微酸，飲落夠開胃仲叫咗份必點小食 [ 惹味芝士脆雞塊 $18 ] 一共有4件，芝士粉喺脆雞塊面，食落惹味，炸得酥脆可口芝士冰室深水埗福榮街101號地舖