芝士冰室 (Closed)

今日難得到深水涉的玩具街，當然要揾間餐廳去食過lunch and Tea。不過今日運氣不太好，想食的拉麵店人龍太長，最後食左間麻麻的燒肉店。下午茶想揾間好味餐廳，點知突然下起大雨，唯有隨便走入一間茶餐廳。最後唔食芝士的老公竟然揀左【芝士冰室】，真奇怪。【芝士冰室】屬茶餐廳格局，但牆上有不少漫畫圖畫令茶餐廳生色不少。 下午茶時間選擇多，除了有芝士系列茶餐外，都有其他正常茶餐。【點點扒芝士餐肉三文治$40】三文治不用加錢已經自動烘底。中間當然有芝士及午餐用，芝士原來同午餐肉都幾夾。另外，最吸晴當然是旁邊金黃色芝士醬。芝士醬汁加入車打芝士故顏色呈金黃色，芝味更香濃美味。芝士餐肉三文治沾上這個芝士醬味道層次增添不少。餐廳非常大方，芝士醬份量多，除了沾三文治外，沾雞脾都好夾。【生炸雞脾薯條 $46】雞脾超級大隻，三個人share都ok。雖然顏色比較濃好似少少燶，不夠咬下去皮好脆，卜卜聲。雞脾調味又剛好，對辨的炸雞脾。