Weinstube (Changed Hand) New Restaurant

上星期相約姚東師傅食晚飯, 想揾d比較有feel既地方, feel係8年前師傅與小弟喺法蘭西遊玩既feel, 即係飲酒食飯慢慢歎, 無拘無束, 遠離繁囂嗰隻, 好懷念呀! 於是乎參考吓openrice各食家既意見, 決定嚟番個尋找他鄉的故事, 發覺呢間餐廳都好似幾符合我哋既要求, 好啦, 扑鎚!去到發原覺店子小小的, 枱櫈都是用木的, 裝修唔錯, 感覺幾親切! 對辦!本來被安排坐喺頗為中間既枱. 貼心的師傅知道小弟是一名柄埋人, 於是乎要求調去一張角落枱. 得咗! 即刻成個人舒服晒!率先叫了個預訂了的raclette 烤‘芝’士, 幾好味喎, 配埋d薯仔, 酸瓜, 蕃茄, 中和番芝士既漏, 正! 炸‘豬’手亦係初次嚟應該要柯打既菜色, 個人認為炸豬手比咸豬手惹味得多. 而呢度既炸豬手亦算皮脆肉滑, 加埋d芥辣一齊食, 掂!同時啤‘酒’就一定走唔甩架啦!叫了2杯warsteiner麥啤, 飲落去creamy, 解渴, 呢d咪就係舒服囉! 8點係happy hour last 柯打, 記住囉!後來追加一客炸磨‘菇’, 呢個真係好食, 外脆肉軟, 磨菇新‘鲜’多汁, 加埋他他醬, 襯囉!邊食