茶木‧台式休閒餐廳 (青衣城1)

Open Now

Now Closed

今年3月去完迪士尼又未食晚餐，就走去青衣城睇睇有無好嘢食。落到去下層本來想食拉麵，企門口無人理，於是向相反方向走左去呢間茶木。本身無太大期望。大約八點，人少少，比左沙發位我一位坐！跟住見到有香菜煎鱸魚手作麵，可以揀飲酸梅冰，都只係$77（已經連加一）！（香菜這裡即指芫茜）非常吸引，於是落單。先有酸梅冰解渴，唔錯！夠大杯，係凍酸梅湯加冰既味道然後等左一陣，就上埋碟芫茜煎鱸魚手作麵，絕對色香味具俱全！鱸魚皮脆肉juicy，有好多芫茜，與麵同啲豆非常混和配合，好滿足！睇埋相！呢個價錢超值得。比起我第二次食九龍灣嗰間茶木點同一個餐新鮮好食好多…可惜宜家已經從餐牌上消失！如果呢款芫茜手作麵可以納入全線恆常餐牌，相信一定可以吸引到我再幫襯！