皇后飯店 (Closed)

黎開又一城買嘢， 買完嘢又係呢度搵下食先。 八點幾鐘成個又一城都好多人，本來想去千両食sushi， 但係要等十幾二十張枱 ，最後都係轉去隔離的皇后鋸扒。第一次入嚟皇后鋸扒 ，整個感覺比我覺得呢度好似係高級版 嘅花園餐廳， 不過牛扒質素當然好過花園好多。晚餐牛扒餐價錢大約係三百蚊之內。先嚟餐湯羅宋湯，羅宋湯夠酸仲好多料。然後係大蝦千島醬沙律，不過千島醬實在太多。主菜係五成熟牛柳配薯菜， 牛柳味被蘑菇汁嚴重蓋過，如磨菇汁另上相信會更好。另薯條好香脆好味。最後有杯coffee or tea ，埋單連加一$320。