Video
Read full review
2017-08-01
998 views
之前都有經過花子舍，不過就以為係間花店嚟。最近先發現其實係咖啡店，佢哋仲有好多款主菜小食，呢日就同人嚟試試。由入口走入去，旁邊有個細細哋嘅位置擺咗唔同嘅擺設。另一邊就用永生花同小盆栽做佈置，就好似個小花園咁。身處其中，都幾舒服。餐檯上面預先擺咗一支水，入面仲有兩大片薄荷葉，多咗份清新感之餘又可以用嚟做裝飾。佢哋用牛皮紙做餐牌，簡單得嚟又切合餐廳嘅田園主題。我們叫咗兩份午餐，餐湯用咗忌廉嚟畫拉花圖案，令佢變得唔單調。燒鯛魚火龍果沙律，鯛魚燒得微焦，食起嚟軟綿。沙律用火龍果、豆苗、粟米、車厘茄、紫椰菜、紫生菜等等組成，口味都幾夏日。6oz美國肉眼扒配薯菜，我哋揀咗七成熟。肉眼扒幾厚身，切開之後仲見到粉嫩紅色，既多汁又軟腍，蘸青醬嚟食就可以解膩。伴碟嘅沙律有紫生菜、車厘茄、粟米、紫椰菜等等，仲淋咗微酸嘅醬汁，薯條就炸到好香脆，整體唔錯。玫瑰草莓芭菲，頂層放咗兩球雲呢嗱雪糕，下面嘅玫瑰啫喱就有啲玫瑰花乾晌度。然後就有鮮士多啤梨、香蕉同棉花糖撈晌鮮忌廉之中，最底層就係海綿蛋糕，成杯嘅味道都唔算好甜。話說叫嘢食時店員話玫瑰芝士蛋糕太好賣而暫時售罄，仲話廚師已經晌度努力趕製中，同埋需要啲時間去冷藏嚟
之前都有經過花子舍，不過就以為係間花店嚟。
最近先發現其實係咖啡店，佢哋仲有好多款主菜小食，呢日就同人嚟試試。
由入口走入去，旁邊有個細細哋嘅位置擺咗唔同嘅擺設。
另一邊就用永生花同小盆栽做佈置，就好似個小花園咁。
身處其中，都幾舒服。
餐檯上面預先擺咗一支水，入面仲有兩大片薄荷葉，多咗份清新感之餘又可以用嚟做裝飾。
佢哋用牛皮紙做餐牌，簡單得嚟又切合餐廳嘅田園主題。
我們叫咗兩份午餐，餐湯用咗忌廉嚟畫拉花圖案，令佢變得唔單調。
燒鯛魚火龍果沙律
24 views
0 likes
0 comments
燒鯛魚火龍果沙律，鯛魚燒得微焦，食起嚟軟綿。沙律用火龍果、豆苗、粟米、車厘茄、紫椰菜、紫生菜等等組成，口味都幾夏日。
6oz美國肉眼扒配薯菜
17 views
0 likes
0 comments
6oz美國肉眼扒配薯菜，我哋揀咗七成熟。肉眼扒幾厚身，切開之後仲見到粉嫩紅色，既多汁又軟腍，蘸青醬嚟食就可以解膩。伴碟嘅沙律有紫生菜、車厘茄、粟米、紫椰菜等等，仲淋咗微酸嘅醬汁，薯條就炸到好香脆，整體唔錯。
玫瑰草莓芭菲，頂層放咗兩球雲呢嗱雪糕，下面嘅玫瑰啫喱就有啲玫瑰花乾晌度。然後就有鮮士多啤梨、香蕉同棉花糖撈晌鮮忌廉之中，最底層就係海綿蛋糕，成杯嘅味道都唔算好甜。
玫瑰芝士蛋糕
17 views
0 likes
0 comments
話說叫嘢食時店員話玫瑰芝士蛋糕太好賣而暫時售罄，仲話廚師已經晌度努力趕製中，同埋需要啲時間去冷藏嚟定型。好彩我哋食完主菜之後店員就話蛋糕都啱啱好成形，名符其實新鮮出「爐（雪櫃）」。
用雕到成朵玫瑰花咁嘅鮮士多啤梨伴碟，再加埋鮮忌廉同朱古力畫花，賣相好靚。蛋糕上嘅玫瑰啫喱鏡面清澈，仲用埋玫瑰花乾點綴。中間嘅芝士慕絲滑溜有奶香，下層嘅威化餅碎質感脆脆兼鋪得平均。
我嚟之前已經好想試呢個甜品，實際表現亦符合期望，可以掹車邊食到真係好開心呀！
洛神花茶，味道微酸，都幾消滯。
花子冰
10 views
0 likes
0 comments
花子冰，呢個係餐廳嘅名物之一。
花子冰
10 views
0 likes
0 comments
佢哋特登將藍莓、紅莓、士多啤梨等雜莓同香草雪成冰塊，飲起嚟有淡淡甜甜果香，加埋薄荷葉，炎炎夏日之下的確既消暑又解渴。
Post
