Video
Read full review
2023-05-23
309 views
👍🏻花生醬雪糕拉麵 $108早排碌IG見到原來雪糕拉麵最近又出返！網上評語好壞參半，有啲人話好怪有啲人又話好好食，抱着試伏心態去試咗先講新版雪糕拉麵同上次一樣，花生味雪糕由甜品店「想甜嚐甜」供應，連甜筒切半放入辛辣豚骨湯，再加入唔少花生碎粒辣湯撈勻前比想像中辣，飲到明顯嘅魚介味撈勻雪糕後辣味同魚介味仍然喺度，不過就多陣花生味，有種中式擔擔麵feel，幾特別，出奇地夾雪糕令湯底口感變得更幼滑濃稠，不過同時令湯底冇咁熱雪糕筒浸腍後口感似日式腐皮，甜甜地個隻，呢個估唔到又幾好食！-新version同上次唔同嘅係今次配搭極厚切叉燒，唔係得個名係真心極厚切一大舊叉燒，火炙焦香明顯，肥膏入口即溶，瘦肉部份亦都軟嫩不過食食下有啲膩，加上濃郁creamy嘅雪糕湯底，女仔一個食晒一碗真係幾邪惡！拉麵係粗麵底，有咬口有麥香，不過掛湯力就唔及幼麵，好在湯底夠杰身另外配料仲有味付筍同流心蛋，兩者正常發揮，整體濃味，大碗份量多味道：8/10性價比：7/10-👍🏻海老拉麵 $88超巨量櫻花蝦！蝦鮮味鹹香突出，湯底非常濃稠杰身，幼麵掛湯力十足叉燒唔及極厚切叉燒咁大舊，但厚薄適中，有兩塊，火炙焦香同樣明顯，肉味濃相對
早排碌IG見到原來雪糕拉麵最近又出返！
網上評語好壞參半，有啲人話好怪有啲人又話好好食，抱着試伏心態去試咗先講
新版雪糕拉麵同上次一樣，花生味雪糕由甜品店「想甜嚐甜」供應，連甜筒切半放入辛辣豚骨湯，再加入唔少花生碎粒
辣湯撈勻前比想像中辣，飲到明顯嘅魚介味
撈勻雪糕後辣味同魚介味仍然喺度，不過就多陣花生味，有種中式擔擔麵feel，幾特別，出奇地夾
雪糕令湯底口感變得更幼滑濃稠，不過同時令湯底冇咁熱
雪糕筒浸腍後口感似日式腐皮，甜甜地個隻，呢個估唔到又幾好食！
-新version同上次唔同嘅係今次配搭極厚切叉燒，唔係得個名係真心極厚切
一大舊叉燒，火炙焦香明顯，肥膏入口即溶，瘦肉部份亦都軟嫩
不過食食下有啲膩，加上濃郁creamy嘅雪糕湯底，女仔一個食晒一碗真係幾邪惡！
拉麵係粗麵底，有咬口有麥香，不過掛湯力就唔及幼麵，好在湯底夠杰身
另外配料仲有味付筍同流心蛋，兩者正常發揮，整體濃味，大碗份量多
味道：8/10
性價比：7/10
-👍🏻海老拉麵 $88
超巨量櫻花蝦！蝦鮮味鹹香突出，湯底非常濃稠杰身，幼麵掛湯力十足
叉燒唔及極厚切叉燒咁大舊，但厚薄適中，有兩塊，火炙焦香同樣明顯，肉味濃
相對瘦啲但軟腍唔鞋口，連住適量肥膏，啱哂唔鍾意肥膏嘅朋友
味道：8/10
性價比：8/10
-👍🏻唐揚炸雞 $35 & 煎餃子 $29
炸雞四大舊，厚肉大件，熱辣辣脆卜卜，炸衣又唔會太厚
肉汁就唔係話好多，但雞肉嫩滑，都算外脆內嫩
拉麵店小食嚟講好唔錯，幾有驚喜
煎餃子就正正常常，係expected嘅拉麵店小食lv
味道：7/10
性價比：7/10
-🔺雪糕拉麵係限量發售，每日開鋪同6pm開賣兩輪，賣哂就冇，數量詳情可睇返餐廳IG
-
📍#一生懸麵 @issyoukenmen荃灣眾安街68號荃灣千色匯1期3樓3012號舖
旺角通菜街73號地下
牛頭角牛頭角道3號得寶商場地下121號舖
Post
