Video
Read full review
2023-02-25
35 views
串燒陣琴晚經過旺角見到一間串燒餐廳，見好多人排隊又入去食串燒，今次呢間串燒店超方便輪椅入去食，又無一級梯級，坐位又多，但枱與枱之間算有少少逼，全場幾乎爆滿，坐我隔離仲聽到佢哋自我介紹緊自己，佢哋似網上識，應該係第一次約會，哈哈！😅😅😅我今次叫咗4樣野食，同前晚串燒店叫d野食有少少唔同，少咗超邪惡芝士，清淡咗！👍👍👍1.蒜蓉燒大大茄子（條）$38（8/10）呢條燒茄子雖然無咗邪惡芝士燒，但都落勁多蒜蓉同孜然粉，同前晚味道好唔同，幾唔錯！2.川式麻辣燒扇貝$32（7/10）呢個扇貝得超微辣，我叫咗中辣，可能客人太多， 麻辣味不見了，而且燒得乾咗少少，要注意控制火喉！👉👈3.燒紐西蘭羊架（2件）$45（8/10）呢個羊架建議落香草，純加孜然粉喺唔夠，我食得羊羶味唔等於旁人嗅得，隔離枱女仔叫救命，嚴重影響人地進行約會活動，哈哈！仲有4舊入面得1舊夠肥，其餘3舊好瘦，有少少乾同韌。食完肥果舊再叫多1串，總共食咗4舊，唔洗100蚊食到4舊算抵食！4.錫紙燒蒜蓉花甲$58（9/10）呢碗花甲粉好抵食，入面都有大約35隻花甲，每隻花甲又無沙，蜆肉又肥又新鮮，蒜蓉味唔會搶到鮮甜味，好好食！😋😋😋2人總共
琴晚經過旺角見到一間串燒餐廳，見好多人排隊又入去食串燒，今次呢間串燒店超方便輪椅入去食，又無一級梯級，坐位又多，但枱與枱之間算有少少逼，全場幾乎爆滿，坐我隔離仲聽到佢哋自我介紹緊自己，佢哋似網上識，應該係第一次約會，哈哈！😅😅😅
我今次叫咗4樣野食，同前晚串燒店叫d野食有少少唔同，少咗超邪惡芝士，清淡咗！👍👍👍
1.蒜蓉燒大大茄子（條）$38（8/10）
呢條燒茄子雖然無咗邪惡芝士燒，但都落勁多蒜蓉同孜然粉，同前晚味道好唔同，幾唔錯！
2.川式麻辣燒扇貝$32（7/10）
呢個扇貝得超微辣，我叫咗中辣，可能客人太多， 麻辣味不見了，而且燒得乾咗少少，要注意控制火喉！👉👈
3.燒紐西蘭羊架（2件）$45（8/10）
呢個羊架建議落香草，純加孜然粉喺唔夠，我食得羊羶味唔等於旁人嗅得，隔離枱女仔叫救命，嚴重影響人地進行約會活動，哈哈！
仲有4舊入面得1舊夠肥，其餘3舊好瘦，有少少乾同韌。食完肥果舊再叫多1串，總共食咗4舊，唔洗100蚊食到4舊算抵食！
4.錫紙燒蒜蓉花甲$58（9/10）
呢碗花甲粉好抵食，入面都有大約35隻花甲，每隻花甲又無沙，蜆肉又肥又新鮮，蒜蓉味唔會搶到鮮甜味，好好食！😋😋😋
2人總共價錢$275，有加一服務費！
個人口味總評分：8/10
地址：旺角通菜街1號威達商業大廈地下M號舖
Post
