大笪地火鍋 (Closed)

今次係我第二次黎，仲記得上次黎仲係新開冇耐，客人唔多，時隔幾個月已經好爆場，可見一年四季打邊爐都係咁受歡迎的。火鍋店位置都幾多，一行九人預約左位置同朋友慶祝生日，打定黎預約位置，不過因為係週五，佢地都答唔實會唔會一定有房，視乎上手幾時交枱，咁都好好彩，去到人地已經差不多埋單，都成十點幾，所以我地最後都有房仔坐。佢地嘅房用塊布簾蓋住，坐到十零個人啦，有電視，冷氣充足，都幾舒適嘅。我地本來打算點兩個鍋，不過店員好好啦，見我地人多，話點一隻花膠雞，佢幫我地分兩鍋上，省卻諗點乜鍋嘅煩惱，大家又夠食。佢地嘅花膠雞湯底都幾濃郁嘅黃色，唔算話見到好多雞油，味道都幾濃，我地每人都飲左少少，先開始打火鍋。我諗大多數人黎，都會點呢個鍋底，未至於膠味好濃，但佢地嘅花膠係俾得幾大方，而且湯底都係愈煲愈入味果種至於其他配料我地都覺得質素唔錯啦，價錢唔係貴，特別係魚、鯇等等，都好脆口，夠新鮮！牛肉方面就中規中矩，點左普通肥牛、牛頸脊、安格斯，都唔錯，肉味未至於好濃，但都好腍身牛丸係我上次黎都有點的，裡面爆芝士，我覺得牛味幾出，而且啲芝士必出黎，熱辣辣，幾好食。蝦滑都係中規中矩，因為份量唔多，我地都點左兩份，蝦肉都