雞駅花膠雞米線專門店

Open Now

Now Closed

喜歡食米線的我，今日嚟到呢一間位於觀塘駱駝漆工廈入面嘅一間小店!!聽講呢度嘅花膠雞湯米線係非常之出名，今日就嚟試一試佢！湯底非常之濃郁，雞件亦都好滑，花膠嘅質素尚可！米線係有Q彈Q彈嘅感覺！整體嚟講呢一碗招牌花膠湯米線有85分！($68)另外見到期間限定有麻藥蛋($28)，就叫咗一客嚟試吓。反而呢一個麻藥蛋就唔合格啦，淨係肉眼睇冇乜色水就知道唔入味，咬落去亦食唔到應有嘅醬油同麻油芝麻香。呢一個極其量只可以係叫做糖心蛋上撒上芝麻同蔥。主打嘅米線冇令我失望，一碗嘅價錢嚟講份量亦都好充足，性價比高，下次會再嚟試其他米線！