Video
Read full review
2023-10-31
872 views
作為星馬菜的愛好者，對沙嗲軒呢個名字總不會陌生，曾經嚐過屯門黃金海岸店，印象良好。據聞Fullerton Ocean Park Hotel新開的那家沙嗲軒，裝潢與別不同，靚到無倫，搞到我心郁郁好想去見識下。說了好一段時間，我終於遇到飛雲，機會嚟喇！如像進入花花世界，附送一覽無遺的海景，的確是咁多間沙嗲軒之中環境最優勝的一家，無庸置疑。吃什麼呢家嘢，我梗係懶得就懶，總會有人出手點餐。先來兩款海鮮菜式，其一是辣椒花甲，花甲唔怕甩皮甩骨，結合惹味的辣汁總是吸引。師傅還有一個很貼心的配搭，就係會伴上炸饅頭，讓大家可以將精華一滴不剩咁放入口中。胡椒蟹食得多，將主角轉做龍蝦又好少品嚐。做得幾乾身，但肉質唔會好韌，最重要是超級多羔，這個做法，岩晒喜歡食香口嘢既我。接下來是四人份量的家庭拼盤，海南雞飯、串燒、咖喱牛腩、星洲咖喱角及油酥餅等，總之齊晒沙嗲軒既招牌嘢。份量矚目之餘，水準亦唔差，如串燒唔會乾柴柴，海南雞好嫩滑，咖喱角鬆化等，真心建議大家可以揀呢款拼盤，無須傷腦筋點餐。叫番碟炒芥蘭平衡下，是有需要的。甜品選擇唔多，最推介既係娘惹紅豆刨冰，色澤靚、份量足，刨冰細密可口。我會再來的！
作為星馬菜的愛好者，對沙嗲軒呢個名字總不會陌生，曾經嚐過屯門黃金海岸店，印象良好。據聞Fullerton Ocean Park Hotel新開的那家沙嗲軒，裝潢與別不同，靚到無倫，搞到我心郁郁好想去見識下。
說了好一段時間，我終於遇到飛雲，機會嚟喇！
如像進入花花世界，附送一覽無遺的海景，的確是咁多間沙嗲軒之中環境最優勝的一家，無庸置疑。
吃什麼呢家嘢，我梗係懶得就懶，總會有人出手點餐。
先來兩款海鮮菜式，其一是辣椒花甲，花甲唔怕甩皮甩骨，結合惹味的辣汁總是吸引。師傅還有一個很貼心的配搭，就係會伴上炸饅頭，讓大家可以將精華一滴不剩咁放入口中。
胡椒蟹食得多，將主角轉做龍蝦又好少品嚐。做得幾乾身，但肉質唔會好韌，最重要是超級多羔，這個做法，岩晒喜歡食香口嘢既我。
接下來是四人份量的家庭拼盤，海南雞飯、串燒、咖喱牛腩、星洲咖喱角及油酥餅等，總之齊晒沙嗲軒既招牌嘢。
份量矚目之餘，水準亦唔差，如串燒唔會乾柴柴，海南雞好嫩滑，咖喱角鬆化等，真心建議大家可以揀呢款拼盤，無須傷腦筋點餐。
叫番碟炒芥蘭平衡下，是有需要的。
甜品選擇唔多，最推介既係娘惹紅豆刨冰，色澤靚、份量足，刨冰細密可口。我會再來的！
Post
