茶木‧台式休閒餐廳 (Closed)

茶木×櫻桃小丸子，近來興開會都會搵餐廳一路食一路傾，尋晚都唔例外走到去旺角瓊華中心10樓茶木，開飯兼傾新計劃。我當然被小丸子吸引，不停同小丸子、 花輪同學及其他人物合照啦～咁得意唔係唔影嘛。叫食物都一樣，要食期間限定的款式。花輪皇子元貝炸蝦飯，大大個花輪同學呈現你眼前，哈哈～味道方面炸蝦夠熱，不太油膩。驚喜位係元貝有兩大粒，兩邊煎到黃金包放在大啡菇上，用芝士蓋面，燒熔芝士後剛好包住兩粒元貝係裡面，大啡菇香口多汁，元貝鮮甜再加埋芝士嘅香，又幾好味喎。我對面條友冇我咁好氣，佢點了餐牌上的紅燒半筋半腩牛肚麵，係平時大家喜歡茶木的味道，紅燒味香濃， 牛筋、牛腩同牛肚都彈牙入味，麵都正常，味道不錯。飲品點都要飲花輪玫瑰咖啡拿鐵，玫瑰花嘅香帶著牛奶咖啡味，好有Paris感呀~Baby~至於爺爺抹茶歐蕾， 抹茶奶味香濃不苦澀，又唔太甜，很好。甜品又見到花輪同學同小丸子囉～ 小丸子綠茶心太軟，我想講個心太軟超好食，我不喜歡食甜品，都覺得很好味，單睇似草餅，食落係軟綿綿的抹茶香，裡面真係好流心架，不甜同帶抹茶嘅甘香，必食新推介。