1908bc British Chinese

Open Now

Now Closed

餐廳位於上環，由英籍華人主理，主打多款懷舊中菜，希望可以將英國嘅中菜帶返香港😬 店內環境唔算好大，座位之間有好多位置，令人感覺舒適，中國風混合英式裝潢，頗有特色。前菜有香酥鴨沙拉，份量比想像中多，滿滿一碟，鴨肉連皮，帶咬口，肉味突出，鹹香惹味，搭配新鮮沙拉，令人胃口大開。椒鹽脆豆腐炸至酥脆可口，唔油膩，而且調味啱啱好，一個人都可以清完。私心推介KFC甜酸辣椰菜花，出面比較少見，甜酸辣醬好好味，椰菜花又大又Juicy，性價比高。炒芽菜有驚喜，味道香濃而唔油，咬落爽脆，讚。炸薯條配咖喱汁都好正，薯條炸至金黃酥脆，最緊要係個醬汁，濃稠度適中，一試難忘。主食有中國外賣式咖喱，配菜可以自行選擇，雞球似係雞胸部位，唔算乾柴，淡淡雞香，配上半飯半薯條，醬汁足以撈。飲品有Lychee Mint 同Fruit Punch，前者更清新，後者就甜甜哋，各有千秋。