Oldish (Closed)

喺西環呢邊有好多倫風格嘅酒吧餐廳，今日就試吓其中一間oldish。😁Avocado Toast （$92） ［好味度：8/10］呢度起碼有成舊牛油果。🤩 底層嘅面包脆到好似嗰啲麵包脆片。😮 多士仲搽咗一層牛油，多一份味覺嘅層次。😜 咁牛油果嘅軟淋同多士嗰個鬆脆，係意想不到地夾，所以哩個組合我覺得幾好。😚Grilled US Prime Rib-Eye (10OZ) （$238）［好味度：6/10］哩個牛扒真係烤嘅，因為同喺外地食過嘅炭火烤牛排味道好似。👍 烤牛排同煎牛扒個味道係完全唔同，烤牛扒嘅肉味會重好多，但係調味方面就會較淡嘞。😉 配菜都唔馬虎，沙律個黑醋汁撈得啱啱好，薯條都係厚切。☺️ 但係有一個問題就係成碟嘢都落得太多鹽，鹹到飛起，我已經提醒咗佢哋，希望會改善啦。😥呢間餐廳有好多懷舊裝飾，好適合週末去chill一chill。😎Oldish（上環東街）⁣⁣⁣⁣⁣⁣其他評分⁣⁣⁣⁣⁣⁣⁣⁣靚靚度（7/10）⁣⁣⁣⁣⁣⁣⁣⁣性價比（6/10）⁣⁣⁣⁣⁣⁣⁣⁣回頭度：應該會⁣⁣⁣⁣