Video
Read full review
2019-10-16
200 views
Oldish # 上環呢間餐廳以英式復古格調為主題，賣嘅有英式典型早餐 all day breakfast, egg Benedict,仲有各式各樣嘅肉食, pasta, risotto，雖然位置有少少偏遠，但係無論係食物、環境定係服務態度都好好。Peri Peri Grilled Spring Chicken (half) $178嗌之前有少少擔心燒春雞啲肉質會比較乾，點知原來半隻燒春雞係成隻大脾，所以肉質非常之嫩，再配埋peri peri嘅醬汁，少少甜甜辣辣咁樣，的確唔錯。佢嘅醬料如果唔夠嘅話仲可以再添加。有趣嘅係佢嘅伴菜都幾特別，居然有腌制咗嘅蜜瓜同埋青瓜，味道清新。Crab Meat Gem Salad $148其實自己本身唔太鍾意非常爽脆嘅菜，本身expect沙律應該用沙律菜，第一眼見到一嚿嚿生菜的確有啲驚，點知出乎意料地我居然可以食得晒成碟沙律！啲生菜非常新鮮，絕對唔會有草青苦味。蟹肉方面分量多就不在話下，連調味都做得好好，用咗sesame mayo，同埋一啲橄欖油，我反而嫌佢啲醬料仲多過菜添，令到成個沙律鹹咗少少。Oldish Tiramisu $68呢個都可以算係佢哋嘅
呢間餐廳以英式復古格調為主題，賣嘅有英式典型早餐 all day breakfast, egg Benedict,仲有各式各樣嘅肉食, pasta, risotto，雖然位置有少少偏遠，但係無論係食物、環境定係服務態度都好好。
Peri Peri Grilled Spring Chicken (half) $178
嗌之前有少少擔心燒春雞啲肉質會比較乾，點知原來半隻燒春雞係成隻大脾，所以肉質非常之嫩，再配埋peri peri嘅醬汁，少少甜甜辣辣咁樣，的確唔錯。佢嘅醬料如果唔夠嘅話仲可以再添加。
有趣嘅係佢嘅伴菜都幾特別，居然有腌制咗嘅蜜瓜同埋青瓜，味道清新。
Crab Meat Gem Salad $148
其實自己本身唔太鍾意非常爽脆嘅菜，本身expect沙律應該用沙律菜，第一眼見到一嚿嚿生菜的確有啲驚，點知出乎意料地我居然可以食得晒成碟沙律！啲生菜非常新鮮，絕對唔會有草青苦味。蟹肉方面分量多就不在話下，連調味都做得好好，用咗sesame mayo，同埋一啲橄欖油，我反而嫌佢啲醬料仲多過菜添，令到成個沙律鹹咗少少。
Oldish Tiramisu $68
呢個都可以算係佢哋嘅signature，好特別嘅外型，其實係將平時嘅Tiramusu變成一個冬甩形狀，店員仲會即場幫你加啲咖啡，味道有少少似affogato，因為佢個tiramisu質地有少少似雪糕，同平時食開用mascarpone 整嘅TIramus有少少唔同，中間再夾住浸左咖啡酒嘅手指餅，味道偏苦，如果平時冇飲開咖啡嘅建議叫店員加少啲咖啡。
食到一半侍應仲會過嚟問吓啲食物o唔OK，即刻令我諗翻起之前係英國exchange嘅生活，嗰度嘅侍應好friendly，真係會行過嚟問你食物嘅質素點樣。
味道:4.2/5
性價比:3.7/5
Peri peri grilled chicken
$178
39 views
0 likes
0 comments
Crab meat gem salad
$148
50 views
0 likes
0 comments
Tiramisu
$68
26 views
1 likes
0 comments
Post
