HOKO Farm (Closed)

假期早左起身就搵朋友食早餐，點知原來荷里活廣場唔係太多餐廳提供早餐，見呢間有就入去食。野菌奄烈、迷你牛角包、牛油粟米牛角包夠鬆軟幾好食，但真係一口可以食完，個size非常迷你。至於野菌奄烈就好足料，而且食得出有落北海道牛乳，個蛋整得好滑身，點埋表面嘅番茄醬食非常好味。牛油粟米就一般般，冇乜牛油味。班尼迪蛋、煙三文魚英式鬆餅、煙火腿雞湯通心粉好耐冇食過班尼迪蛋，呢個配埋煙三文魚同英式鬆餅食，整體感覺都好好，個蛋嘅火喉控制恰當，煙三文魚唔會好咸，下面嘅鬆餅厚薄適中，好軟身，切開都唔會散。通心粉就好普通，不過個雞湯底都濃，唔係味精湯。早餐唔洗加一，有飲品送，平均五十幾蚊，中規中矩可以接受嘅。