Fryers (Closed)

今日經過尖東，見到有間藍色佈置而且裝修精緻嘅英式外賣店叫Fryers。被吸引之下去試下lunch。第一時間order左fish & chips，因為從小至今都鍾意食，仲有叫咗香草大蝦意粉，湯亦不能錯過，有洋蔥湯及雜菌忌廉湯。Fish & Chips果然冇令我失望，魚柳超超超大塊，最緊要係外脆內軟，表層炸皮薄又香脆，完全吾油膩，入面嘅魚係厚肉而且鮮嫩，絕對係招牌菜。香草大蝦意粉嘅大蝦夠彈牙又夠QQ，好有海蝦味道，有4大隻，抵食，意粉啱熟冇過腍，而且伴上香草，俾人一種清新感覺。洋蔥湯好濃沃及加上少少黑椒吊味，冬天飲絕對一流。雜菌忌廉湯夠creamy,材料又多，好重菌味。