Video
Read full review
2023-06-17
516 views
今日專登跑去呢一間點心專門店品嚐下師傅嘅手藝(⁎⁍̴̛ᴗ⁍̴̛⁎)再加埋紅色暴雨生效，真係需要一個坐得比較耐，又可以嘆茶嘅地方。Set A🫖✨一點驚喜本日嘅廚師驚喜為芝麻蝦多士，芝麻份量好多，食出香口，麵包亦焗得卜卜脆，裏面嘅蝦肉明顯。✨蒸點三款精點都係點心嘅必點款式，北菇燒賣做得爽口，蝦餃外皮通透，原料蝦肉爽彈鮮美，潮州粉果嘅外皮相當厚身但十分軟糯，裏面餡料澎湃，馬蹄味道突出。✨炸物蘿蔔絲酥餅嘅蛋黃味好香濃，蘿蔔絲食落香甜。雞絲蝦春卷並不油膩，萬分脆口，咬到一層一層的分別，相當有層次。✨焗點分別有叉燒酥、葡汁海鮮批。叉燒酥相當酥脆，叉燒醬汁唔會蓋過風頭；海鮮批嘅牛油味相對較濃，裏面粒粒海鮮，口感豐富，絕對係令人驚艷嘅兩款焗點。✨包點叉燒包、雞包仔。包點做得鬆軟，叉燒包裡蘊藏嘅叉燒都相當大粒，蠔油味並無過份出眾。✨甜點一共三款：沙琪瑪、桂花糕、芝麻糕，桂花糕用咗中國單叢葉，味道芳香清新，建議先食，芝麻糕嘅味道濃郁，而且口感煙韌；沙琪瑪香甜又夠脆，且做得並不黏咀。👍🏻店舖嘅點心全部都係由前福臨門老師傅，國福樓點心部主管黃志生師傅親自主理，絕對係味道嘅保證～茶品分別叫咗大吉嶺零號，堪稱頂級中國紅茶
Set A🫖
✨一點驚喜
本日嘅廚師驚喜為芝麻蝦多士，芝麻份量好多，食出香口，麵包亦焗得卜卜脆，裏面嘅蝦肉明顯。
✨蒸點
三款精點都係點心嘅必點款式，北菇燒賣做得爽口，蝦餃外皮通透，原料蝦肉爽彈鮮美，潮州粉果嘅外皮相當厚身但十分軟糯，裏面餡料澎湃，馬蹄味道突出。
✨炸物
蘿蔔絲酥餅嘅蛋黃味好香濃，蘿蔔絲食落香甜。雞絲蝦春卷並不油膩，萬分脆口，咬到一層一層的分別，相當有層次。
✨焗點
分別有叉燒酥、葡汁海鮮批。叉燒酥相當酥脆，叉燒醬汁唔會蓋過風頭；海鮮批嘅牛油味相對較濃，裏面粒粒海鮮，口感豐富，絕對係令人驚艷嘅兩款焗點。
✨包點
叉燒包、雞包仔。包點做得鬆軟，叉燒包裡蘊藏嘅叉燒都相當大粒，蠔油味並無過份出眾。
✨甜點
一共三款：沙琪瑪、桂花糕、芝麻糕，桂花糕用咗中國單叢葉，味道芳香清新，建議先食，芝麻糕嘅味道濃郁，而且口感煙韌；沙琪瑪香甜又夠脆，且做得並不黏咀。
👍🏻店舖嘅點心全部都係由前福臨門老師傅，國福樓點心部主管黃志生師傅親自主理，絕對係味道嘅保證～
茶品
分別叫咗大吉嶺零號，堪稱頂級中國紅茶，正山小種，飲落滋味醇厚、甘甜、帶微微花香層層疊疊；三花茶以粉紅玫瑰花、桂花、茉莉花為配搭，養生保健茶飲落淡淡清香，令人放鬆心情。
💡值得一提的是，《點心茶館》內所用的茶器餐具，大部分均是由擁有近百年歷史嘅香港老品牌「粵東磁廠」所製。小編係茗茶嘅同時，都能夠品嚐到呢份歷史嘅「味道」。
入座後，職員亦都會指導一次茶具器皿
嘅操作，木盤上更放上一隻蟾蜍，象徵着好運嘅到來。
Post
