茶星人 (富康花園) (Closed)

早排天氣熱左好多，有時出去做野買餸，自己帶既水都飲晒，呢個時候又諗起台式飲品，今次係將軍澳既富康花園俾我揾到一間姓價比高既台式飲品店叫（茶星人）。舖位唔大，位置就係街市外邊，好易揾到。當日經過，舖頭外人頭擁擁，都好多街坊幫襯，以為要等好耐，點知都係等左1陣就有，店員做事效率都幾高，店員服務又欣勤。贊呀！講返今次買左囡囡最愛既黑糖珍珠鮮奶，同埋水果茶，個名好特別叫「水果大爆炸」。2杯飲品個樣都係好吸引。黑糖珍珠鮮奶，黑糖掛杯加埋雪白鮮奶，真係冇得頂。入口黑糖味珍珠真係又香又好咬口。水果大爆炸，加入紅色火龍果，橙等水果，即時令成杯水果茶加添色彩。